Lajme

Faktet që demantojnë Hekuran Muratin për punësimin e 22 mijë personave

Autori: Doresa Geci 16:03 | 30 September 2021

Deklarimi i ministrit të Financave se u punësuan 22 mijë persona për një vit nuk po del të jetë krejtësisht i vërtetë.

Së paku, statistikat zyrtare të Agjencisë së Punësim të Republikës së Kosovës dëshmojnë se vetëm 11366 qytetarë janë punësuar nga janari i vitit të kaluar deri më tani, nga 69 mijë sa kishin kërkuar punë, shkruan Gazeta Infokus.

Ndërkaq, për gjashtë muajt e parë të vitit të kaluar kur Murati merr si referencë punësimin, në bazë të statistikave kishin kërkuar punë 45909 persona. Prej tyre vetëm 1022 persona ishin punësuar.

Dhe atë më pak se gjysma në të dyja periudhat, kanë siguruar punësim të rregullt.

Sipas këtij institucioni në muajin janar të këtij viti 2 mijë e 336 persona ishin drejtuar Agjencisë së Punësimit, ndërsa vetëm 32 kishin fatin të sigurojnë një punë e cila do të i sillte të ardhura mujore, shkruan Gazeta Infokus.

Më shqetësuese duket situata në mujt prill dhe maj të vitit të kaluar kur secilin muaj kishin trokitur në derën e Agjencisë së Punësimit nga 22 mijë veta.
Por në prill ishin punësuar vetëm pesë persona, ndërsa në muajin maj hiq më shumë se 18 veta.

Ndërkaq, këtë vit shifra më e lartë e të punësuarave u arrit në muajin prill, ku 2531 persona arritën të gjejnë një vend të punës, në kuadër të ndërmjetësimit në masa aktive të Tregut të Punës.

Kurse me së paku u punësuan në muajin shtator.

Sipas të dhënave nga Agjencia për Punësim, në shtator të këtij viti u punësuan 110 persona, ani pse punë kishin kërkuar 765 punëkërkues.

Kështu këto të dhëna, thonë të kundërtën e asaj që ministri i Transferove dhe Financave , Hekura tha se për një vit u punësuan 22 mijë qytetare në Kosovë.

”Sa i përket punësimit, nëse i marrim shifrat në fund të tremujorit të dytë që është muaji qershor dhe e krahasojmë deklarimin në Administratë Tatimore që ka qenë në fund të qershorit të vitit të kaluar kemi një rritje prej 22 mijë vende pune. Në vitin e kaluar, në fund të qershorit kanë qenë të deklaruar 342 mijë vende pune, kurse këtë vit janë 364 mijë vende pune”, u shpreh ai.

Më poshtë gjeni të dhënat e Agjencisë së Punësimit të siguruara nga Gazeta Infokus/Gazeta Infokus/

Të tjera