Lajme

Fajon: Është gjeostrategjikisht e nevojshme të ndihmohen kandidatët nga Ballkani Perëndimor në rrugën drejt BE-së

Autori: Gazeta inFokus 13:12 | 14 April 2025

Ministrja e Jashtme e Sllovenisë, Tanja Fajon, ka deklaruar se gjatë një takimi joformal me ministrat e Jashtëm të vendeve të Ballkanit Perëndimor, është arritur pajtueshmëri për rëndësinë strategjike të mbështetjes së rajonit në rrugën drejt integrimit evropian deri në vitin 2030, shkruan Gazeta Infokus.

“Ramë dakord të gjithë se është një domosdoshmëri gjeostrategjike që të ndihmohen vendet e Ballkanit Perëndimor në rrugëtimin e tyre drejt Bashkimit Evropian deri më 2030”, u shpreh Fajon, duke iu referuar darkës joformale që u mbajt të dielën në Luksemburg, nën organizimin e shefes së diplomacisë së BE-së, Kaja Kallas.

Pas mbërritjes në takimin e Këshillit të BE-së për Punë të Jashtme, që po mbahet po ashtu në Luksemburg, Fajon theksoi se gjatë këtij takimi është diskutuar edhe për zhvillimet politike në Serbi, në prani të ministrave të Jashtëm nga rajoni.

-Advertisement-

Takimi joformal i së dielës konsiderohet si pjesë e përpjekjeve të shtuara të Bashkimit Evropian për të thelluar angazhimin ndaj Ballkanit Perëndimor dhe për të përshpejtuar procesin e anëtarësimit të vendeve kandidate.

Subscribe në YouTube: GAZETA INFOKUSI
Etiketa:
Çka do të thotë të gatuash shqip?
-Advertisement-

Të tjera

Fokusi

lajme