Lajme

Fahri Musliut i bën përshtypje një deklaratë e ambasadorit Hill për “Ballkanin e Hapur”, e shpërndan në Facebook

Autori: Gazeta inFokus 11:26 | 22 May 2022

Ish-korrespodenti i RTK-së në Beograd, Fahri Musliu ka publikuar në llogarinë e tij në Facebook një faqe të një gazete serbe për të cilën ka folur ambasadori amerikan në Serbi, Christopher Hill.

Musliu ka ndarë një paragraf nga deklaratat e Hill, ku ai flet për nismën e Ballkanit të Hapur.

“Ambasadori i ShBA në Beograd Kristofer Hill mbi Ballkanin e hapur:
(…) Mbështesim më shumë integrime në Ballkan edhe iniciativën “Ballkanit i hapur”. Do të donim që”Ballkanit i hapur” të zhvillohet më shpejtë. Më shumë “Ballkan të hapur” nënkupton që vendet kandidate për BE të përgatiten më mirë për të hyrë në BE. Ajo që duhet ra bëjmë ne si ShBA është të ndihmojmë ku mundemi, por jo të shtiremi se ne vendosim për këtë”, ka shkruar Musliu në Facebook.

Kryeministri i Shqipërisë, Edi Rama dhe presidenti serb, Aleksanadar Vuçiq duken të vendosur për ta shtyrë përpara këtë nismë, e cila kundërshtohet fuqishëm nga Kosova, Bosnja e edhe nga Mali i Zi deri më tani.

Etiketa:

Të tjera