Fokus

Fadil Nura jep detaje ekskluzive: Bisedova me Sveçlën në telefon, ekipet e FSK-së nuk erdhën në Skenderaj

Autori: Gazeta inFokus 16:11 | 20 January 2023

Në në intervistë ekskluzive për Gazetën Infokus, kryetari i Skenderajt, Fadil Nura, ka thënë se ekipet e ushtrisë së Kosovës që janë të trajnuar për raste emergjente siç ishin vërshimet e djeshme në këtë komunë, nuk iu përgjigjen thirrjes së tyre.

Nura ka thënë se ka biseduar me ministrin e Punëve të Brendshme të qeverisë Kurti, Xhelal Sveçla i cili i ka thënë atij që të bëjë kërkesën për këto ekipe.

Mirëpo pavarësisht thirrjes së tij, ai ka thënë se është dërguar vetëm një ekip i zhytjes dhe jo ekipet e FSK-së që janë të trajnuar për raste të tilla emergjente.

-Advertisement-

LEXO EDHE: Albin Kurti injoroi Skenderajn pas vërshimeve, reagon Fadil Nura dhe ka një mesazh për kryeministrin 

Derisa ka bërë thirrje që politikat ditore dhe inatet politike të lihen anash në raste të tilla, shkruan Gazeta Infokus.

“Ndërsa sa i përket ekipeve të FSK-së, realisht unë kam komunikuar me ministrin e brendshëm, më ka thirrë më ka thënë bëje një kërkesë, çështje procedurash, unë e kam bërë kërkesën me kohë, kanë qenë një ekip i FSK-së ekip i veçantë i zhytjes, mirëpo përndryshe trupat që do të duhej të ishin me një rast emergjent, faktikisht nuk i janë përgjigjur thirrjes, nuk e di arsyen pse. Por edhe një është e sigurt, vërshime të tilla nuk mbahen në mend komunën e Skenderajt. Edhe të moshuar në Skenderaj që kanë më shumë se 80 vite kanë deklaruar se vërshime të tilla në Skenderaj nuk ka pasur asnjëherë”, ka thënë Nura për Infokus.

Ndërsa në Skenderaj sipas Nurës vazhdon të jetë një gjendje e rëndë dhe ka deklaruar se ende gjendet në terren, duke u dalë në ndihmë familjeve në nevojë./Gazeta Infokus/

LEXO EDHE: E TURPSHME: Kurti injoron dy qytetet me dëmet më të mëdha nga vërshimet, Skenderajn e Mitrovicën, viziton Istogun

Subscribe në YouTube: GAZETA INFOKUSI
Shkolla Finlandeze lanson programin IMPACT: Tani edhe në gjuhën shqipe, me çmim të përballueshëm

Të tjera