Rozë

F1, revoltohen “çadrat” shoqëruese të pilotëve-FOTO

Autori: Gazeta inFokus 08:22 | 02 February 2018

Formula 1 vendosi “të mbyllë” çadrat e atyre që shoqëronin pilotët në vijën e nisjes përpara garave, por Bernie Ecclestone nuk është i vetmi që ka shprehur kundërshti për këtë vendim.

Edhe të ashtuquajturat “grid girl” duket se nuk pajtohen me këtë vendimmarrje të drejtuesve të rinj të Formulës 1, “Liberty Media”, e kanë shprehur revoltën e tyre përmes rrjeteve sociale.

“Formula 1 nuk do të jetë më e njëjta si më parë”, është fraza e thënë thuajse në sintoni prej vet protagonisteve të ndaluara për pjesëmarrje si dikur në sportin më të ndjekur të automobilizmit.

-Advertisement-

“Jam surprizuar. Vajzat në krah të pilotëve kanë qenë një traditë e hershme. Besoj se do të jetë e çuditshme të mos shohësh sfilatën e femrave me minifunde, mbi taka të larta, përpara garave të Formulës 1”, thotë Arelis Ramos, e cila në vitet e fundit ka shoqëruar në Çmimin e Madh të Monzës, fillimisht Ricciardon e më pas të riun Stroll.

Modelja nga Republika Domenikane kërkon të dijë edhe arsyen përse është vendosur kështu.

“A mos është faji i skandalit që shpërtheu në SHBA për ngacmime seksuale? Nuk besoj, por edhe mund të jetë kjo arsyeja. Gjithsesi mbetet një vendim që është vështirë të kuptohet”, thotë Arelis.

Formula 1 ndoshta nuk dëshiron që të krijojë konceptin e “femrës si objekt në krahët e një supermashkulli mbi një makinë gare”.

“Unë personalisht nuk jam ndierë asnjëherë e parehatshme në impenjimet e mia, përkundrazi. Ka qenë gjithmonë një eksperiencë e bukur të punosh në krah të sportistëve të famshëm. Të përjetosh garat nga shumë pranë është një emocion i papërshkrueshëm. Gjithmonë kam punuar e lumtur dhe e qetë”, shprehet më tej modelja.

Subscribe në YouTube: GAZETA INFOKUSI