Lajme

Evropa raporton numrin më të madh të azilkërkuesve që nga fillimi i pandemisë

Autori: Gazeta inFokus 15:35 | 16 September 2021

Rreth 45.000 kërkesa për azil u paraqitën në Bashkimin Evropian, Norvegji dhe Zvicër deri në korrik, numri më i lartë që nga shpërthimi i krizës së koronavirusit.

Shifrat paraprake u njoftuan sot nga Zyra Evropiane për Mbështetjen e Azilit (EASO) të enjten.

Në qershor, rreth 40.600 persona aplikuan për status mbrojtjeje.

-Advertisement-

Agjencia me bazë në Maltë llogariti që aplikimet u rritën në veçanti nga Afganistani.

Një muaj para rënies së vendit nën talebanët radikal islamikë dhe javët dramatike të evakuimeve, ato ishin rreth 7.300, ndërsa në qershor, 6.000 afganë aplikuan për azil në BE, Norvegji dhe Zvicër.

”Shumica e aplikacioneve vazhdojnë të vijnë nga Siria (rreth 8 500)”, sipas EASO, raporton ATSH.

Që nga dhjetori 2020, megjithatë, hendeku në mbërritjet që vijnë nga Siria dhe Afganistani është ngushtuar me shpejtësi.

Nga rreth 45.000 azilkërkues, 2.200 ishin të mitur të pashoqëruar. Aplikimet nga të miturit e pashoqëruar nuk janë regjistruar në numra të tillë që nga nëntori 2016.
Ndërsa numri i aplikacioneve u rrit në shumë vende, më pak aplikime u raportuan nga disa vende të Afrikës Veriore dhe Perëndimore, përfshirë Malin, që regjistroi një rënie të madhe në korrik me rreth 570 aplikime krahasuar me rreth 1.000 në qershor.

Etiketa:
Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy