Lajme

Eurodeputeti Romeo Franc: Tani Kosova ka një rol kyç për paqe në Evropë

Autori: Gazeta inFokus 11:09 | 02 November 2022

Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione është takuar me Romeo Franc – deputet i Parlamentit Evropian.

Eurodeputeti Franc ka thënë se tani Kosova ka një rol kyç për paqe në Evropë, njofton Klan Kosova.

Ai po ashtu ka shtuar se Kosova duhet të jetë një shtet i fortë dhe pjesë e Bashkimit Evropian.

-Advertisement-

“Kur erdha dje në Kosovë, u ndjeva sikur në shtëpi. Jam shumë i lidhur me diasporën kosovare dhe një nga asistentet e mi është rom nga Kosova. Vendi juaj ka zënë vend në zemrën time”.

“Nga pikëpamja ime Kosova duhet të jetë pjesë e Bashkimit Evropian – kjo për mua është shumë e qartë. Sa i përket liberalizimit të vizave, ne jemi duke pritur shumë gjatë dhe kjo duhet me patjetër të ndodhë”.

“Tani Kosova ka një rol kyç për paqen në Evrope. Kur e shohim Serbinë, zhvillimet me Rusinë, zhvillimet në veri të Bosnjës dhe Hercegovinës, Kosova është shumë e rëndësishme”.

“Kosova duhet të jetë një shtet i fortë”, ka theksuar ai.

Subscribe në YouTube: GAZETA INFOKUSI