Eurodeputeti Mandl: Liberalizimi i vizave nuk bën të lidhet me tensionet në veri – ato janë krijuar nga grupet kriminale të kontrolluara nga Beogradi
![](https://gazetainfokus.com/wp-content/uploads/2022/11/lm-2-852x460.jpg)
Autori: Gazeta inFokus
15:58 | 23 November 2022
Në takimin e sotëm të ambasadorëve të vendeve anëtare të BE-së, është hequr nga rendi i ditës propozimi për liberalizimin e vizave për Kosovën, i cili parasheh lëvizjen e lirë jo më larg se data 1 janar e vitit 2024.
Arsyet për këtë veprim u thanë që janë politike dhe lidhen me situatën në veri të Kosovës, dhe se diskutimi i radhës për këtë do të mbahet më 30 nëntor.
Lidhur me këtë veprim të BE-së, eurodeputeti austriak Lukas Mandl në një prononcim për Telegrafin ka thënë se liberalizimi i vizave nuk bën të lidhet me tensionet në veri të Kosovës.
Ai shtoi se tensionet në këtë pjesë janë krijuar dhe organizuar nga grupet kriminale që kontrollohen nga Beogradi.
“Unë vetëm mund t’u rekomandoj qeverive të shteteve anëtare që të mos e lidhin liberalizimin e vizave me tensionet në veri të Kosovës. Këto tensione janë krijuar dhe organizuar nga grupet e krimit të organizuar të kontrolluara nga Beogradi”, tha Mandl
Eurodeputeti austriak, Lukas Mandl
Duke folur për situatën në veri të Kosovës, Mandl tha se edhe Beogradi do të duhet të kontribuojë në deeskalim në vend të përshkallëzimit të situatës.
“Largimi i Vuçiq nga negociatat është përsëri një akt përshkallëzimi nga ana e tij. Ai nuk ka të drejtë morale për ta bërë këtë. Ai ka detyrimin moral të kontribuojë në de-përshkallëzimin dhe mirëkuptimin e ndërsjellë. Nuk ka absolutisht asnjë lidhje mes kësaj dhe liberalizimit të vizave”, u shpreh eurodeputeti Lukas Mandl.
Eurodeputeti austriak i cili shumë herë deri më tani ka bërë thirrje dhe e mbështet liberalizimin e vizave për Kosovën, ka thënë se BE-ja duhet t’i mbajë premtimet.
“Udhëtimi pa viza për popullin e Republikës së Kosovës është i vonuar. BE-ja duhet t’i mbajë premtimet e veta. Pakica e vogël e qeverive të shteteve anëtare që po bllokojnë të gjithë procesin, u rekomandoj që të tërhiqen nga kjo bllokadë dhe të lejojnë që populli i Kosovës të udhëtojë siç bëjnë njerëzit e pesë vendeve të tjera të Ballkanit Perëndimor. I rekomandoj shumë Këshillit që të vendosë shpejt për këtë pozitivisht, pa vonesa të mëtejme”, tha Mandl për Telegrafin.
Situata në veri të Kosovës është tensionuar, për shkak të vendimit të Qeverisë së udhëhequr nga kryeministri Albin Kurti për të nisur procesin e riregjistrimit të makinave që bartin targa ilegale serbe.
Serbët në veri, të kontrolluar në masë të madhe nga Beogradi zyrtar, i kundërshtojnë targat e Kosovës, RKS, dhe kanë paralajmëruar rezistencë ndaj tyre.
Me gjithë thirrjet e komunitetit ndërkombëtar për shtyrje të procesit të riregjistrimit, Kurti nuk ka hequr dorë.
Aktualisht është e pezulluar – deri më 24 nëntor – faza e dytë e planit të tij, në përpjekje për t’i dhënë shans gjetjes së një zgjidhjeje të pranueshme për të dyja palët.
![](https://gazetainfokus.com/wp-content/uploads/2024/01/ARTIKULLI-ufc-scaled.jpg)
Të tjera
-
BE-ja kritikon Serbinë për “listat e kontrollit” në kufi
Bashkimi Evropian i ka bërë thirrje Serbisë që të mos kufizojë lirinë e indiv...
-
Kapen dy shqiptarë në Gjermani, njëri dyshohet se ia kishte futur armën në gojë burrit të gjyqtares
Interpol Tirana në bashkëpunim me partnerët e tyre në Gjermani kanë mundur të...
-
Berisha: Albini s’do të dalë i pari, s’kemi vija të kuqe, kemi mendime të ndryshme me VV-në
Zafir Berisha nga Nisma Socialdemokrate thotë se subjekti politik i tij nuk k...
-
Vendimi i qeverisë për pagën minimale, Zeka: Nuk është elektoral, por populist
Kryetari i Odës Ekonomike Amerikane (OEAK), Arian Zeka, sonte në Klan Kosova,...
-
Hasani: Puka po synon të ma mbyllë gojën që të mos flas për diplomën e tij false- huliganizëm dhe abuzim me pushtetin
Profesori Enver Hasani në një prononcim për RTK ka folur për denoncimin që i ...
-
Haxhiu i PDK-së: Kurti kaloi një Draft PL të Sigurimeve Shëndetësore për populizëm 16 minuta më parë
Deputet i Partisë Demokratike të Kosovës (PDK), ka kritikuar trajtimin e çësh...
-
“Trepça” njofton se po mobilizohet për stabilizim dhe rimëkëmbje
Ndërmarrja “Trepça” ka thënë se vendimi i menaxhmentit për të shpallur gjendj...
-
BQK njofton për rritje të aseteve të kompanive të sigurimeve në Kosovë
Banka Qendrore e Kosovës (BQK) ka publikuar të martën të dhënat për instituci...
-
Anëtari i Kryesisë së PDK-së: Ministrja Gërvalla para se të flas për rritjen e pagës minimale, le te flas për të arriturat e ministrisë së saj
Anëtari i Kryesisë së PDK-së, Petrit Hajdari, ka reaguar pas deklaratës së Kr...
-
Tërmet i fortë në Greqi, kaqi ishte magnituda
Një tërmet i fuqishëm me magnitudë 5.2 ballë i shkall Rihter është regjistrua...
-
Kurti, delegacionit danez: Kosova meriton anëtarësimin e plotë në Këshillin e Evropës
Kryeministri Albin Kurti, mirëpriti ditën e sotme anëtarë nga delegacioni dan...
-
Kreu me sukses të lartë kursin ushtarak në ShBA, togeri i FSK-së merr çmimin Dexter
Toger i FSK-së, Korab Seferi, ka përfunduar me sukses të lartë kursin "Signal...