Lajme

EULEX-i mirëpret mënyrën paqësore të votimit në veri

Autori: Gazeta inFokus 21:51 | 21 April 2024

Shefi i Misionit të Bashkimit Evropian për Sundim të Ligjit në Kosovë (EULEX), Giovanni Pietro Barbano është shprehur i kënaqur se si ka shkuar procesi i votimit në katër komunat veriore.

Përmes një postimi në platformën X, Barbano ka thënë se për EULEX-in është i pranueshëm zhvillimi i një procesi paqësor të votimeve.

“Pas përfundimit të votimit, EULEX-i pranon mënyrën paqësore në të cilën u zhvillua procesi. Përshëndesim përpjekjet e shfaqura nga të gjithë ata që janë përfshirë në ofrimin e sigurisë në 4 komunat veriore gjatë gjithë ditës”, ka shkruar Barabano.

-Advertisement-

Ndryshe pas përfundimit të votimit në veri, presidentja Vjosa Osmani ka akuzuar Serbinë për ndërhyrje në proces.

Ajo tha se qytetarët në masë të madhe nuk e shfrytëzuan mundësinë për ndryshimin e kryetarëve për shkak të presionit të Beogradit.

Following the termination of the voting process, #EULEX acknowledges the peaceful manner in which it was executed. Welcoming efforts displayed by all those involved in ensuring security in the 4 northern municipalities throughout the day.

— Giovanni Pietro Barbano (@EulexHoM) April 21, 2024