Sport

Erza Muminoviq shkon në çerekfinale të Lojërave Mesdhetare

Autori: Gazeta inFokus 13:02 | 29 June 2022

Erza Muminoviq ka kaluar në rrethin e dytë, respektivisht në çerekfinale të Lojërave Mesdhetare, shkruan Gazeta Infokus.

Xhudistja kosovare në rrethin e parë e mposhti me ippon turken, Gulkader Senturk, në meçin e vlefshëm për kategorinë deri në 48 kilogramë.

Kjo është bërë e ditur përmes një njoftimi nga Kosovo Olympic Committee.

Në këtë njoftim thuhet se Ajo mundi me ippon turken, Gulkader Senturk, pas një lufte që zgjati mbi 10 minuta.

Muminoviq, e cila në meçin e parë u udhëhoq nga trajnerja Majlinda Kelmendi, synon të shkojë sa më larg në këtë kompeticion, e pse jo ta synojë edhe medaljen në “Oran 2022”.

Në rrethin e dytë, ajo do të ketë punë me francezen Melanie Vieu ku krahas saj, sot do të garojnë edhe dy xhudistet tjera kosovare, Distria Krasniqi dhe Flaka Loxha.

Edhe ato do të synojnë medalje në Lojërat Mesdhetare, të cilat po mbahen në Algjeri./Gazeta Infokus/

Etiketa:

Të tjera

Fokusi

sport