Lajme

Erion Veliaj tregon pse nuk u takua me Albin Kurtin

Autori: Gazeta inFokus 23:11 | 17 February 2020

Kryebashkiaku i Tiranës Erion Veliaj ka treguar se pse nuk e takoi kryeministrin e ri të Kosovës Albin Kurti kur ky i fundit vizitoi Tiranën në vizitën e tij të parë që pas marrjes së detyrës.

Veliaj tha se takimi nuk mundi të realizohej, për shkak të agjendës së ngjeshur të kryeministrit dhe agjendës së vetë kryebashkiakut, i cili atë ditë kishte shumë aktivitete të parashikuara për 100 vjetorin e Tiranës Kryeqytet.

“Ishte një takim i parë kortezie. Ne kishim 100-vjetorin e Tiranës, me një ngarkesë të jashtëzakonshme, kurse ai pati disa takime, ku disa nuk përfunduan në orar, kështu që ndodhi për mospërputhje agjendash”, tha Veliaj në News24.

-Advertisement-

Por, Veliaj siguroi se takimi do të zhvillohet në një moment tjetër.

“Jam i sigurt se do kemi një mundësi tjetër. Ajo që mendoj është që për një takim të parë kortezie, ndoshta i organizuar pak me ngut, janë gjëra që falen, kështu që nuk ka asnjë hatërmbetje”, tha Veliaj.

Subscribe në YouTube: GAZETA INFOKUSI

Të tjera

Fokusi

lajme