Lajme

Erdogan tregon se si Trump mund t’i jap fund luftës në Ukrainë

Autori: Gazeta inFokus 13:35 | 08 November 2024

Lufta në Ukrainë mund të përfundojë lehtësisht nëse administrata e SHBA-së nën drejtimin e Donald Trumpit merr një qasje të bazuar në zgjidhje, citohet të ketë thënë presidenti turk Recep Tayyip Erdogan.

“Ne mund ta mbyllim lehtësisht këtë luftë nëse shohim një administratë Trump që i qaset çështjes me një perspektivë të bazuar në zgjidhje. Më shumë dialog, diplomaci, marrëveshje do t’i hapin derën paqes, jo armëve, bombave dhe konfliktit”, tha Erdogan.

Ai shtoi në një intervistë se përpjekjet e vendeve perëndimore, të udhëhequra nga Shtetet e Bashkuara, për t’i dhënë fund luftës në Ukrainë, do të përshpejtonin një zgjidhje për konfliktin, shkruan Reuters.

-Advertisement-

Bëhet e ditur se kjo deklaratë e Erdoganit vjen pasi Trump tha gjatë fushatës se ai mund të sillte paqen në Ukrainë brenda 24 orëve, por ka dhënë pak detaje se si do të kërkonte t’i jepte fund luftës më të madhe tokësore në Evropë që nga Lufta e Dytë Botërore.

Ndërkohë, administrata e presidentit Joe Biden i ka dhënë mbështetje të fortë Ukrainës gjatë gjithë luftës në formën e armatimit, si dhe të sigurisë dhe ndihmës së gjerë financiare.

Ndërsa mbështet integritetin territorial të Ukrainës, dënon pushtimin e saj nga Rusia dhe i ofron asaj mbështetje ushtarake, Turqia anëtare e NATO-s ka kundërshtuar gjithashtu sanksionet perëndimore ndaj Rusisë, me të cilën ka marrëdhënie të rëndësishme në mbrojtje, energji dhe turizëm.

Siç raportohet, që nga marsi, Turqia ka bërë thirrje për një fund të negociuar të luftës në Ukrainë dhe ka ofruar të ndërmjetësojë, duke thënë se ndikimi negativ i konfliktit në botë duhet të zbutet.

“Ne jemi një vend që kemi arritur t’i bashkojmë të dyja palët rreth të njëjtës tryezë. Ne e kemi bërë këtë shumë herë dhe mund ta bëjmë përsëri. Kjo luftë duhet të përfundojë tani. Ne i kemi fokusuar përpjekjet tona në paqe dhe do të vazhdojmë ta bëjmë këtë”, tha Erdogan. /Telegrafi

Subscribe në YouTube: GAZETA INFOKUSI
Spektakli i Vitit, Ekskluzivisht në Artmotion – BBVK3!
-Advertisement-

Të tjera

Fokusi

lajme