Lajme

Erdogan pas skadimit të orëve të fundit të armëpushimit: Largohuni ose do të godasim më shumë

Autori: Gazeta inFokus 13:09 | 22 October 2019

Ndërkohë që orët e armëpushimit pesë-ditësh po skadojnë, presidenti i Turqisë Recep Tayyip Erdogan paralajmëroi rreth 1.300 luftëtarë kurdë nga Siria se ata duhet të largohen nga zonat në veri-lindje të Sirisë.

Erdogan u tha gazetarëve përpara nisjes së tij për në Rusi për t’u takuar me presidentin Vladimir Putin se 800 luftëtarë kurdë kanë lënë zonat dhe përsëriti se ata do të vazhdojnë sulmin ushtarak me “vendosmëri më të fortë” nëse luftëtarët kurdë nuk largohen deri në orën 22.00 sipas kohës lokale, raporton AP.

Të enjtën Ankaraja dhe Uashingtoni ranë dakord një armëpushim pesë-ditor, i cili skadon më vonë sot në veri-lindje të Sirisë, për të lejuar anëtarët e Njësisë së Mbrojtjes së Popullit kurd të tërhiqen nga “zona e sigurisë” që Turqia dëshiron të vendosë në zonën kufitare.

-Advertisement-

Presidenti turk takohet me Putin në ditën kur skadon një armëpushim pesë-ditor në Sirinë veriore, të arritur me administratën amerikane, për të tërhequr kurdët atje 32 kilometra nga kufiri me Turqinë.

Subscribe në YouTube: GAZETA INFOKUSI

Të tjera

Fokusi

lajme