Lajme

Epik: Liderët mashtruan qytetarët me data për liberalizim

Autori: Gazeta inFokus 17:58 | 27 October 2018

Kundër deklarimeve të liderëve të vendit se liberalizimi i vizave do të behej këtë vit, kishte dalë njohësi i integrimeve evropiane tash kryesues i bordit të Institutit të Kosovës për Politikat Evropiane, Taulant Kryeziu.

Kryeziu në gusht të këtij viti për Gazetën inFoks kishte deklaruar se gjasat që kosovarët të lëvizin pa viza këtë vit janë shumë të vogla.

“Sa i përket afateve kohore, unë së paku pres që vendimmarrja të përfundoj këtë vit mirëpo për datën e saktë të lëvizjes së lirë të qytetarëve është vështirë të thuhet dhe gjasat janë të vogla që do të ndodhë në 20018-en. Vendimmarrja duhet që të përfundoj këtë vit por më gjithë atë ky është një vendim politik”, ka thënë ai.

-Advertisement-

Ai madje u kishte bërë thirrje liderëve të jenë më të përmbajtur në deklaratat e tyre për datën e vizave.

“Unë i ftoj edhe përfaqësuesit e Institucioneve të janë të përmbajtur dhe të mos rrisin entuziazmin te qytetarët duke e dit që ka ende hezitime të disa vendeve anëtarë sa i përket këtij procesi”, ka thënë Kryeziu.

Lexo edhe: Analistët thonë se vizat mund te mos hiqen as në 2019-ën

E në tetor të këtij viti deklarimet e Kryeziut i kishte vërtetuar edhe deputeti i Parlamentit gjerman nga CDU, Peter Beyer.

Ai gjatë një vizite në Kosovë ka thënë se liberalizim nuk do të ndodhë gjatë 2018-es.

“Secili që premton se këtë vit mund të ketë liberalizim të vizave e ka gabim”, ka thënë ai.

E pas kësaj deklarate ka reaguar Institutit të Kosovës për Politikat Evropiane të cilët kanë konsideruar shqetësuese gjuhën që liderët po përdorim për fajësim të BE-së.

Sipas tyre përgjegjësia për mos liberalizim të vizave gjatë këtij viti bie mbi lidershipin politik te këtij koalicioni qeverisës që sipas tyre kanë dhënë premtime të papërgjegjshme./Gazeta inFokus/