Ende nuk janë shpallur zgjedhjet për në Podujevë dhe Mitrovicë të Veriut
Autori: Gazeta inFokus 22:02 | 13 September 2020
Caktimi i Agim Veliut ministër në Qeverinë Kurti në shkurt, e i Goran Rakiqit zv/kryeministër në Qeverinë Hoti në qershor, i lanë Podujevën dhe Mitrovicën e Veriut pa kryetar.
Situata me pandeminë Covid-19 kishte bërë që të shtyhen e mos mbahen zgjedhjet në këto komuna, ani se në kushte të njëjta u mbajtën zgjedhjet serbe në Kosovë në qershor, raporton KOHA.
Por, institucionet e Kosovës, përgjegjëse për procesin zgjedhor, nuk kanë kërkuar asnjë rivlerësim nga IKSHPK-ja për situatën epidemiologjike, për të parë nëse ka kushte të mbahen zgjedhjet.
“Kur IKSHPK-së t’i kërkohet një vlerësim i tillë, e bën. Këtyre ditëve është bërë një vlerësim për mësimdhënësit dhe shkollat në prag të fillimit të vitit të ri shkollor”, ka thënë zëdhënësi i Ministrisë së Shëndetësisë, Faik Hoti.
E në KQZ nuk e kanë komentuar çështjen e kërkesës për rivlerësim të gjendjes në këto komuna.
“Komisioni Qendror i Zgjedhjeve edhe më herët e ka bërë të qartë qëndrimin se do të përmbushë obligimin kushtetues për organizimin e zgjedhjeve kurdo që i kërkohet, ashtu siç kemi bërë gjithmonë. Ndërkaq, lidhur me gjendjen aktuale në të cilën ndodhemi për shkak të pandemisë, ne si KQZ nuk mund të japim një përgjigje për aspektet që kanë të bëjnë me shëndetin e qytetarëve pasi janë institucionet tjera përkatëse dhe profesionale që e kanë fushë të përgjegjësisë së tyre”, ka thënë zëdhënësi i KQZ-së, Valmir Elezi.
KOHA i ka dërguar pyetje edhe Zyrës së Presidentit, përgjegjëse për shpalljen e zgjedhjeve, por ata nuk janë përgjigjur.
Por, juristët po e konsiderojnë këtë joligjore.
“Është afati i paraparë edhe në kushtetutë edhe në ligjin për zgjedhjet e përgjithshme dhe ligjin për zgjedhjet lokale që janë të lidhura njëri me tjetrin në funksionalizim që zgjedhjet duhet të mbahen në afatin e caktuar. Afati ka kaluar, ka kaluar shumëfish”, ka thënë njohësi i çështjeve kushtetuese, Mazllum Baraliu.
Më e zëshme për mosmbajtjen e zgjedhjeve në Podujevë ka qenë Lëvizja Vetëvendosje. Madje ky subjekt kishte dërguar në Kushtetuese më 22 qershor vendimin e Presidentit për shtyrjen e tyre në Podujevë dhe Mitrovicë të Veriut, por që ende nuk ka marrë përgjigje.
“Zgjedhjet në komunën tonë më shumë janë parë si çështje politike sesa që është marrë dikush me sigurinë e qytetarëve. Kur po e them këtë, po e them se ne kemi bë kërkesa në kohën kur pandemia në vendin tonë ka qenë zero, por kanë qenë zero përgjigje pozitive. Ato kanë vazhdu pandërprerë, por kurrë nuk kemi marrë përgjigje”, ka thënë Bahri Selimi, sekretar i Lëvizjes Vetëvendosje në Besianë.
Zgjedhjet e ardhshme të rregullta lokale në Kosovë pritet të mbahen vitin e ardhshëm.
Të tjera
-
SBAShK paralajmëron protestë më 1 maj
Sindikata e Arsimit, Shkencës dhe Kulturës (SBAShK) ka bërë të ditur se me 1 ...
-
Amerika do të dërgojë ndihma në Ukrainë këtë javë, thotë Biden
Presidenti i ShBA-së, Joe Biden, ka thënë se vendi që drejton do të dërgojë a...
-
Deri në ora 13:00 në Maqedoni të Veriut votuan mbi 26 për qind e votuesve
Nënkryetarja e Komisionit Shtetëror të Zgjedhjeve në Maqedoni të Veriut, Dimt...
-
MPB: Në një vendvotim në Shkup është hedhur bombë tymuese, janë fotografuar fletëvotime
Zëdhënësi i MPB-së, Toni Angellovski, ka informuar për rrjedhën e procesit zg...
-
Ish-komandant Qeriqi përfundon dëshminë në rastin Thaçi dhe të tjerët
Pas dy ditësh e gjysmë dëshmi, ka përfunduar dëshminë dëshmitari i 55-të i Zy...
-
Pezullohet prifti ortodoks që udhëhoqi ceremoni në varrimin e Navalnyt
Prifti rus Dmitry Safronov është pezulluar për tre vjet, pasi e udhëhoqi një ...
-
Konfirmohet raportimi i Infokusit – Bordi i KEK-ut shkarkon përfundimisht Nagip Krasniqin nga pozita e kryeshefit
Bordi i Drejtorëve të Korporatës Energjetike të Kosovës (KEK), ka konfirmuar ...
-
Parlamenti Evropian miraton planin prej 6 miliardë eurosh për Ballkanin Perëndimor
Parlamenti Evropian e ka miratuar të mërkurën planin për rritje ekonomike në ...
-
11,06 % dalja e votuesve në Kumanovë deri në orën 11:00
Deri në orën 11:00 dalja e qytetarëve me të drejtë vote në Kumanovë ka qenë 1...
-
Abdixhiku kujton veprimtarin Ismet Rraci: Ai jeton brenda Lidhjes
Kryetari i Lidhjes Demokratike të Kosovës, Lumir Abdixhiku me bashkëpunëtorë ...
-
Presidenti në gjyq, dita e 6-të/ Nga historitë rozë te goditja e kundërshtarëve dhe zgjedhjet e 2016, çfarë dëshmoi ish-bashkëpunëtori i Trump
NEW YORK – E marta filloi me një seancë dëgjimore mbi 10 shkeljet e supozuara...
-
Nesër në Bruksel vazhdon dialogu Kosovë-Serbi për vendimin e BQK-së për dinarin
Nesër në Bruksel në kuadër të dialogut ndërmjet Kosovës dhe Serbisë do të vaz...