Lajme

Emocionuese: Momenti kur dhjetëvjeçari sheh ngjyra për herë të parë, falë “syzave mrekullibërëse”! (Video)

Autori: Gazeta inFokus 13:05 | 02 May 2017

Ky është momenti emocionues kur një djalë dhjetëvjeçar filloi të qante pasi e pa botën “me ngjyra” për herë të parë.

Bëhet fjalë për Xavier McCoury nga Charlotte, përcjell Telegrafi, i cili deri më tani, edhe pse mund t’i shihte gjërat që e rrethonin, ato mund t’i shihte vetëm “bardhë e zi”.Djaloshi nga Karolina e Veriut mori një dhuratë shumë të veçantë të ditëlindjes – një palë syze dielli që i mundësojnë atij të shohë spektrin e plotë të ngjyrave.

Kur ai hapi për herë të parë kutinë, Xavier shihet duke qeshur, por pasi ai i vendos syzet, pamja e tij ndryshon plotësisht.

-Advertisement-

I zhytur nga bukuria e asaj që e rrethonte, Xavier menjëherë fillon të qaj, dhe nëna e tij Melissa e përqafon.

Kur u pyet nga familja e tij se çfarë mund të shohë Xavier menjëherë përgjigjet: ‘Ngjyra!’

Ai pastaj ngrihet dhe shikon gjelbërimin që e rrethonte, pamje këto që nuk i kishte parë një dekade, kohë gjatë së cilës kishte parë vetëm hije të gri, të bardhë dhe të zi.

Një anëtar i familjes e pyeti Xavierin nëse ai ndonjëherë dëshiron t’i heq këto syze, ai përgjigjet: ‘Epo unë nuk dua!’

Nëna e tij, Melissa, tha: “Është e pamundur të përshkruani këtë moment për të dhe gjithë familjen tonë”.

Subscribe në YouTube: GAZETA INFOKUSI

Të tjera

Fokusi

lajme