Lajme

Emocionuese, kështu e kujton motra Elvis Pistën

Autori: Gazeta inFokus 20:26 | 15 June 2017

Sot janë bërë tre vjet nga vrasja e ish-kandidatit për deputet Elvis Pistës.E në këtë trevjetor, me plot dhimbje atë po e kujton motra e tij Beatrisa Pista.

Përmes një shkrimi emocionues, ajo rrëfen dhimbjen dhe mungesën e madhe që po ndjenë për vëllaun e saj të vetëm, shkruan Magazina.al

“Nuk e ke idenë sa shumë më ke munguar gjithë këto vite, por prezenca jote ishte më e madhe se kurrë në zemrën time, duke më dhënë forcën për të përballuar dhimbjen e humbjes së vëllait të vetëm, shtyllës së familjes”, shkroi ajo

-Advertisement-

Më tutje ajo tregon se nuk do të ndalet së kërkuari drejtësi deri në zbardhjen e plotë të rrethanave se nga kush u vra vëllai i saj.

Kujtojmë se më 15 qershor të 2014, Elvis Pista ishte qëlluar nga një distancë prej 7 metrash me një pistoletë derisa po dilte nga një restorant në Rahovec, ndërkaq hetimet për këtë rast akoma po vazhdojn

Ky është shkrimi i plotë i Beatrisa Pistës

Të gjitha vlerat e mëdha humane gërshetohen te ti. Je i pa përsëritshëm në çdo kohë, në secilin aspekt!

Nuk e ke idenë sa shumë më ke munguar gjithë këto vite, por prezenca jote ishte më e madhe se kurrë në zemrën time, duke më dhënë forcën për të përballuar dhimbjen e humbjes së vëllait të vetëm, shtyllës së familjes.

Nuk jam ndalur në asnjë moment duke kërkuar drejtësi për ty. Nuk do të ndalem asnjëherë.

Nuk jam ndalur së besuari në institucionet e drejtësisë. Nuk do të ndalem asnjëherë.

Në këtë trevjetor prano përqafimet e mia. Ti dhe Roma, GJITHÇKA e imja!

Shpresoj se po të bëj krenar…

Beatrisa

Subscribe në YouTube: GAZETA INFOKUSI