Lajme

Emmanuel Macron në një vizitë zyrtare në Serbi më 29 dhe 30 gusht

Autori: Gazeta inFokus 14:28 | 22 August 2024

Presidenti francez Emmanuel Macron do të zhvillojë një vizitë zyrtare në Serbi më 29 dhe 30 gusht 2024, është bërë e ditur në faqen zyrtare të presidentit serb Aleksandar Vuçiq.

Vizita e Macron-in në Beograd vjen më pak se pesë muaj pasi ai priti presidentin serb në Paris

Kjo do të jetë vizita e dytë e presidentit francez në Serbi në pesë vjetët e fundit, ndërsa në të njëjtën kohë të dy vendet po forcojnë marrëdhëniet ekonomike.

-Advertisement-

Nga Parisi, ku mori pjesë në ceremoninë e hapjes së Lojërave Olimpike në fund të korrikut, Vuçiq njoftoi se vizita e Macron mund të pritet në fillim të shtatorit dhe të dy liderët sugjeruan në deklaratat e tyre për publikun se një nga temat kryesore të takimit mund të jetë blerja e aeroplanëve luftarakë francezë “Rafale”.

Në shkurt të vitit 2023, Vuçiq ka thënë për media se blerja e “Rafale-ve” do të ishte ndarja më e madhe e buxhetit ushtarak serb “i cili do të arrijë deri në tre miliardë euro”.

Se çështjet ushtarake janë pjesë e agjendës u konfirmua nga Macron në një konferencë për media më 18 korrik pas Samitit të Komunitetit Politik Evropian në Britaninë e Madhe.

I pyetur për statusin e kontratës për furnizimin e aeroplanëve francezë për Serbinë, Macron u përgjigj se do të vizitojë Serbinë në javët apo muajt e ardhshëm “për të finalizuar negociatat që janë objekt i negociatave teknike, financiare dhe politike midis vendeve”.

Një çështje tjetër që do të diskutohet është edhe çështja e problemit në mes Kosovës dhe Serbisë, pasi presidenti serb në një bisedë telefonike me presidentin e Francës në mes të qershorit ka thënë se “është e rëndësishme që zgjidhja e çështjes së Kosovës të mbetet lartë në agjendën Bashkimit Evropian dhe kërkoi mbështetjen e tij në këtë kontekst”.

Subscribe në YouTube: GAZETA INFOKUSI