Lajme

Elshani: Personit të cilit i është gjetur armatimi në Zveçan, lidhet me sulmin e Banjskës

Autori: Gazeta inFokus 07:07 | 20 November 2024

Zëvendësdrejtori i Policisë në veri, Veton Elshani ka folur lidhur me konfiskimin e armatimit nga ana e policisë në Zveçan të vendit gjatë ditës së djeshme.

Elshani ka thënë se aktualisht nuk mund të flasin për identitetin e personit të cilit i është gjet armatimi, meqë ai është me interes për policinë për sulmin e Banjskës.

“Ky person është në interes për neve për rastin e Banjskës”, ka thënë Elshani në RTV Dukagjini.

-Advertisement-

“Konsiderojmë se këto armë të cilat janë gjetur këtu lidhen me këtë person”, ka thënë ai pa dhënë detaje se a janë gjetur ato në pronat e tij apo në vendet ku ka operuar personi i dyshuar.

Ai ka folur rreth aksionit dhe gjetjes së armatimit.

“Kemi pranuar informacion të saktë se ku gjinden se ato i kemi gjet ndër dhe të groposura”, duke shtuar se policia fillimisht ka gjetur buren/kavanozen e parë ku edhe janë gjet uniforma, kallashnikovë dhe municion.

Elshani ka thënë tutje se pas kësaj, kanë thirr policin speciale të deminimit në vendin e ngjarjes “të cilën kanë ardh me pajisjet e tyre me të cilat kanë gjet edhe dy buret e tjera nën dhe dhe një gyp të plastikës ku ka qenë një kallashnikov aty.

“Të gjitha këto pajisje janë konfisku, janë sjell në stacion të policisë:, ka thënë ai.

Elshani ka thënë se nuk është hera e parë që policia ka gjetur armë në veri të fshehura nën dhe, andaj sa herë që kanë informacion policia ndërhynë.

Ai ka shtuar se situata e sigurisë në veri të vendit paraqitet e qetë duke shtuar se nuk ka zonë që Policia e Kosovës nuk ndërhynë.

Sa i përket grafiteve të shfaqura së fundi në veri, Elshani ka thënë se sipas prokurorit kujdestar nuk kanë pasur një përmbajtj e cila është cilësu si nxitje e urrejtjes apo diçka e tillë.

Elshani ka thënë se janë në vazhdimësi në komunikim me komunitetin i cili jeton në veri pavarësisht se si territor është i thyer dhe se është brez kufitar, andaj edhe si polici ai ka thënë se kanë treguar aftësi edhe në të kaluarën se mund dhe dinë të menaxhojnë edhe atë territor i cili përbënë 17 përqind të territorit të Kosovës.

Subscribe në YouTube: GAZETA INFOKUSI