Auto&Tech

Elon Musk pyet përdoruesit: A duhet të largohem si shef i Twitter?

Autori: Gazeta inFokus 11:46 | 19 December 2022

Pronari i Twitter, Elon Musk u kërkon përdoruesve të platformës së mediave sociale të votojnë për të ardhmen e tij si shef ekzekutiv.

Në një sondazh për 122 milionë ndjekësit e tij, ai shkroi në Twitter: “A duhet të largohem nga posti i kreut të Twitter… Unë do t’i përmbahem rezultateve”.

Musk, i cili gjithashtu drejton Tesla-n dhe Space X, është përballur me shumë kritika që nga marrja e Twitter-it. Pas një beteje ligjore, Musk mori kontrollin e kompanisë në tetor në një marrëveshje prej 44 miliardë dollarësh.

-Advertisement-

Sondazhi është hapur para 10 orësh. Ndërsa ka mbetur edhe një orë mundësi për të votuar 16 milionë njerëz kanë votuar dhe aktualisht rezultati duket se nuk është i thellë pasi 58% kanë votuar ‘po’, Musk duhet të largohet nga drejtimi i Twitter dhe 42% mendojnë që ai duhet të qëndrojë.

Ky votim mund të çojë në fundin e mbretërimit të Musk si shef ekzekutiv i Twitter.

Pas fillimit të sondazhit, Musk shkroi në Twitter: “Siç thuhet, ki kujdes se çfarë dëshiron, pasi mund ta marrësh”.

Should I step down as head of Twitter? I will abide by the results of this poll.

— Elon Musk (@elonmusk) December 18, 2022

Ai shtoi më vonë: “Ata që duan pushtet janë ata që më së paku e meritojnë atë”.

Sondazhi i Elon Musk u shfaq vetëm pak kohë pasi ai u fotografua në finalen e Kupës së Botës duke qëndruar pranë Jared Kushner, dhëndrit dhe ish-këshilltarit special të ish-presidentit amerikan Donald Trump.

Subscribe në YouTube: GAZETA INFOKUSI