Lajme

Elmaze Nura shpallet e pafajshme

Autori: Gazeta inFokus 11:58 | 27 Prill 2017

Gjykata Themelore në Prishtinë shpalli të enjten në mëngjes të pafajshëm ish-drejtoreshën e Teatrit Kombëtar Elmaze Nura dhe Beqir Beqirin, organizatorin e udhëtimit të aktorëve të shfaqjes “Lisistrata” në Slloveni në vitin 2013.

Nura e Beqiri akuzoheshin ngase prokuroria se ishte shkelur Ligji i Prokurimit Publik gjatë përzgjedhjes së kompanisë që në vitin 2013 dërgoi aktorët dhe rekuizitat e shfaqjes “Lisistrata” në Slloveni.

Elmaze Nura në pozitën e drejtores së Teatrit Kombëtar akuzohej nga prokuroria se ka bërë keqpërdorim të detyrës zyrtare kur është nënshkruar kontratë me kompaninë “Alpina Reisen”, lidhur me transportimin e aktorëve të TKK-së për në Slloveni për shumën prej 5 mijë eurove.

-Advertisement-

Avokati i Nurës, Tomë Gashi tha se e drejta ishte në anën e klientit të tij, sepse nuk kishte bërë kurrfarë shkeljeje.

Gjatë procesit gjyqësor, u dëshmua se askush nuk është dëmtuar, udhëtimi ishte bërë me kosto edhe më të ulët se çmimi i tregut dhe mjetet e ndara nga MKRS që ishin në kategorinë e subvencioneve nuk i nënshtrohen prokurimit publik.

Trupi gjykues konstatoi se drejtoresha e Teatrit nuk kishte bërë asnjë keqpërdorim të detyrës zyrtare dhe me kontratën e nënshkruar nuk e kishte dëmtuar asnjë institucion.

Projekti në fjalë, shënoi suksesin më të madh të TKK-së, në prezantimet ndërkombëtare dhe shfaqja “Lisistrata” ishte pritur me vlerësime të larta në Ljublanë nga kritikët e teatrit. Regjisorja e njohur kosovare Elmaze Nura, aktualisht është profesoreshë e Regjisë së Teatrit në UP dhe anëtare e Kryesisë së AAK-së./INFOKUSI

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy