Ekzekutohet bosi i bandës “Skaliari” në Mal të Zi, “lidhja” me vrasjen e Ergys Dashos
Autori: Gazeta inFokus 20:43 | 09 September 2022
Mediat malazeze raportuan mbrëmjen e sotme se është ekzekutuar në Turqi bosi i bandës famëkeqe “Skaliari”, Jovan Vukotiç.
Banda e drogës “Skaliari” është një nga më të rrezikshmet në rajonin tonë, ajo njihet kryesisht për kontrollin e tregut të drogës në Ballkan, ku shpesh herë është bëra palë dhe aleate me grupet kriminale shqiptare.
Por banda “Skaliari” gjithashtu ka dhe një kundërshtar të fortë në Malin e Zi, që është banda “Kavaç”.
Kujtojmë që në 17 qershor të këtij viti u ekzekutua në Budva një tjetër anëtar i bandës “Skiliari” Milic Minja Sakoviç. Ai dilte rrallë nga shtëpia, duke përdorur vetëm një makinë të blinduar dhe duke lëvizur vetëm i shoqëruar nga roje sigurie, por duket se natën që u vra kishte neglizhuar pak duke i dhënë shansin e artë kundërshtarëve që ta vrisnin.
Mediat lokale theksonin se Milic Minja Sakoviç rezultonte në të dhënat e policisë si një pjesëtar me peshë i klanit “Skaliari” dhe ishte përgjegjëse për Podgoricën. Ai ka qenë shpesh në shënjestër të klanit rival gjatë viteve të fundit duke i mbijetuar atentateve vazhdimisht.
Por kësaj radhe vrasësit i kishin marrë masat mirë duke e ekzekutuar 20 minuta para mesnate, pranë shtëpisë së tij në Budva.
Ndërkohë në anën tjetër përballë bandës “Skiliar” është ajo e “KAvaç”, lider i së cilës është Radoje Zvicer, i cili është i dyshuari kryesor për porositjen e vrasjes së Ergys Dashit në Ekuador.
Aleanca mes “klani Kovaç” dhe mafias shqiptare të drogës në Ekuador, e krijuar disa kohë më parë, ka filluar të shkatërrohet për shkak të luftës së ashpër për dominim në tregun e kokainës.
Shqiptari nga Durrësi, Ergys Dashi u eliminua më 22 janar, me më shumë se 20 plumba në një restorant në Guayaquil, port nga ku dërgohen ngarkesa të mëdha droge në Evropë. Burime nga agjentë të sigurisë serbe raportojnë se likujduesit janë nga “klani Kavac”, me në krye Radoje Zvicer.
Përplasjet mes bandave brenda Malit të Zi dhe bandave shqiptare i kanë kaluar kufinjtë e Ballkanit.
Dashi ishte një lidhje mes mafies shqiptare dhe asaj ruse e ballkanase. Në vrasjen e tij morën pjesë dy aturorë, njëri prej të cilëve mbante një buqetë me lule, që është një lloj mesazhi. I vrari bënte një jetë të fshehtë në Ekuador, ku nuk kishte dosje dhe merrej me tregtinë e kokainës, shkruan abcneës.al.
Sipas një versioni, shqiptarët bashkëpunuan me policinë me një nga ngarkesat e mëdha të kokainës në pronësi të “Kavcanit”, e cila më pas u sekuestrua. Nga ana tjetër, aleatët e Zvicerit deri pak kohë më parë kishin pjesën më të madhe të shpërndarjes në Evropë, pasi “klani i Kavacit” ishte mjaft i gjymtuar nga arrestimet në Serbi dhe Mal të Zi, dhe lideri i tyre është në arrati.
Por kush është bosi i klanit “Kovaçi”? Do i bënte atentat Aleksandër Vuçiçit.
Lideri i klanit të Kavaçit, Radoje Zvicer, i cili është në arrati që nga arrestimi i grupit të Veljko Belivuk në Beograd që nga shkurti i vitit të kaluar, është shpallur zyrtarisht si personi që do t’i bënte atentat presidentit serb Aleksandar Vuçiç. Këtë informacion e ka bërë të ditur ministri i Punëve të Brendshme, Aleksandar Vulin, i cili ka deklaruar se policia serbe i ka marrë të dhënat nga Europol. Radoje Zvicer është një nga njerëzit më me ndikim të nëntokës vitet e fundit. Së bashku me Slobodan Kashçan, ai u shënjua si lider i klanit të Kavaçit, i cili lidhet me trafikun e drogës, vrasje dhe krime të tjera të rënda. Zvicer u qëllua vitin e kaluar në mes të ditës teksa vraponte pranë banesës së tij në Kiev.
Dy sulmues të armatosur qëlluan dhjetëra herë, pesë prej të shtënave e goditën atë. Bashkëshortja e Zvicerit, Tamara, kishte dalë me vrap nga banesa dhe kishte qëlluar sulmuesit, duke i penguar që ta eliminonin. Falë saj, lideri i Kavaç është gjallë. Zvicer i shpëtoi atentatit në Ukrainë verën e kaluar dhe besonte se sulmi ndaj tij ishte organizuar nga “pantera rozë” Milan Ljepoja, i cili më pas u zhduk në Beograd. Hetuesit dyshojnë se Ljepoja është vrarë në Ritopek, me urdhër të Zvicer-it. Vitin e kaluar, klani i tij kishte filluar bashkëpunimin e ngushtë me Veljko Belivuk, i cili u arrestua dy muaj më parë në një operacion të madh policor dhe akuzohet për të paktën tre vrasje brutale dhe trafik droge.
Radoje Zvicer u arratis në shkurt të vitit të kaluar, menjëherë pasi bashkëpunëtorët e tij Veljko Belivuk, Marko Miljkoviç dhe pjesa tjetër e grupit u arrestuan. Policia malazeze hyri në shtëpinë e tij më 28 mars. Arratisja e tij përkoi me zbulimin e policisë holandeze, e cila zbuloi shpërndarjen e kokainës në vendet skandinave dhe rrugët e trafikimit të saj. Me atë rast u zbulua plani i bërë për vrasjen e Miliç Minja Shakoviç nga Podgorica, i cili dyshohet se ka marrë pjesë në likuidimin e liderit të tifozëve të Partizanit, Aleksandar Stankoviç i njohur ndryshe si Sale Mutavi, i cili ishte mik dhe shef i Velja Nevolja sa ishte gjallë./Abcnews.al/
Të tjera
-
Aksident mes tre veturave në rrugën Prishtinë-Pejë, katër persona të lënduar
Një aksident i rëndë trafike ka ndodhur pasditen e sotme në rrugën Prishtinë-...
-
Qeveria e Kosovës lanson platformën për të drejtat e fëmijëve
Në takimin e Komitetit Ndërministror për të Drejtat e Fëmijëve të shtunën ësh...
-
Nga sot, Gjermania do t’i pranojë nga 50 mijë punëtorë të kualifikuar në vit nga Ballkani
Qeveria gjermane modernizoi vitin e kaluar ligjin e migracionit duke lehtësua...
-
Ministri i Jashtëm i Shqipërisë fton shqiptarët e Luginës së Preshevës për pjesëmarrje në zgjedhjet lokale
Ministri i Jashtëm i Shqipërisë, Igli Hasani, ka shkruar një ditë para votime...
-
Alban Hyseni i jep tenderin për renovimin e stadiumit të Gjilanit ofertuesit më të shtrenjtë
Komuna e Gjilanit në krye me Alban Hysenin me 31 maj i ka dhënë tenderin pë...
-
Deputetë të Parlamentit Evropian letër Serbisë për të drejtat e shqiptarëve, Kamberi ia jep meritat Kurtit për lobim
Deputeti shqiptar në Kuvendin e Serbisë, Shaip Kamberi, ka publikuar të premt...
-
Pikëlluese| Sami Lushtaku jep lajmin e hidhur, ka të bëjë me ish-luftëtarin e shquar të UÇK-së
Ish-ushtari i Ushtrisë Çlirimtare të Kosovës, Sami Lushtaku sot ka njoftuar p...
-
I dënuari kapet duke vjedhur në një market në Prishtinë, dërgohet në burg – zbulohet emri i tij
Të dyshuarit që përfshihen në veprimtari të kundërligjshme dhe të dënuarit ng...
-
Të shtëna me armë në Gjermani, raportohet për disa të plagosur
Disa persona kanë mbetur të plagosur nga të shtënat në periferi të Hagen, Gje...
-
Hamiti: LDK i fiton zgjedhjet e ardhshme
Anëtari i Kryesisë së LDK-së, Muhamet Hamiti, është shprehur optimist për rez...
-
Kritikat e Kurtit ndaj PSRK-së “ndërhyrje në drejtësi dhe shpikje për larguar vëmendjen nga dështimet”
Shoqëria civile dhe partitë opozitare po e konsiderojnë ndërhyrje në punën e ...
-
Dy veturave me targa serbe në Mitrovicë të Veriut iu vihet flaka
Zëvëndësdrejtori i Policisë së Kosovës për rajonin e Veriut, Veton Elshani, k...