Kosova i është bashkuar shteteve që kanë bërë reforma legjislative dhe strategji për të luftuar ekstremizmin e dhunshëm.Kështu është thënë në konferencën që Ambasada e Italisë ka mbajtur në lidhje me parandalimin e radikalizmit në Kosovë dhe mbështetjen e personave që mund të jenë cak i radikalizmit.
=Zëvendësministri i Punëve të Brendshme, Selami Shkodra, tha se Kosova ashtu si shumë shtete të botës është duke u përballur me të keqen e përbashkët që ka një emërim të përbashkët, terrorizmin dhe ekstremizmin e dhunshëm.Por, ai tha se Qeveria e Kosovës në vazhdimësi ka dëshmuar gatishmërinë e saj dhe rolin kyç në luftimin e ekstremizmit të dhunshëm dhe terrorizmit.

“Qeveria e Republikës së Kosovës në vazhdimësi ka dëshmuar gatishmërinë e saj dhe rolin kyç në luftimin e ekstremizmit të dhunshëm dhe terrorizmit. Kosova i është bashkuar shteteve që kanë bërë reforma legjislative dhe strategji për të luftuar ekstremizmin e dhunshëm, ky fenomen tashmë që ka përhap në mënyrë marramendëse gjithë globin.

Ministria e Punëve të Brendshme konsiderohet ministria më aktive në këtë proces, çdo herë ka ofruar mbështetjen e saj e në shumë raste ka udhëhequr procesin e implementimit të mekanizmave që adresojnë ekstremizmin e dhunshëm dhe terrorizmin.

Ministria e Punëve të Brendshme vlerëson lartë kontributin e organizatave dhe institucioneve ndërkombëtare në luftimin e ekstremizmit të dhunshëm dhe terrorizmit”, tha Shkodra.Ai tha se MPB-ja zotohet në gatishmërinë e saj për të dhënë kontributin e vet në këtë proces në të gjitha sferat e nevojshme dhe të parapara me legjislacionin vendor dhe ndërkombëtar.Ambasadori i Italisë në Kosovë, Piero Cristoforo Sardi, tha se demokracitë e vendeve të ndryshme kanë reaguar dhe kanë krijuar strategji të cilat janë implementuar për luftimin e terrorizmit dhe të terroristëve dhe në atë mënyrë ai tha se kanë parandaluar radikalizmin.Ai tha se dëshiron ta ritheksoj se Kosova ka vendosur në fuqi një program ligjor dhe një strategji të mrekullueshme në luftimin dhe parandalimin e këtij fenomeni.

“Kosova është e pjesë e kësaj pikture dhe ka vendosur në fuqi një program ligjor dhe një strategji të mrekullueshme dhe veprimtari të cilën është duke u implementuar, është me rëndësi që të adresojmë implementimin efektiv të saj si dhe luftimit dhe parandalimit e këtij fenomeni të cilat janë në interes më së pari të Kosovës.

Evenimenti i sotshëm , po e citoj mekanizmi referues dhe praktikat më të mira merren me parandalimin e radikalizmit dhe ekstremizmit të dhunshëm, si dhe mësimet të cilat i kemi nxjerrë të gjitha i referohen një pilot projekti, i cili është implementuar në qytetin e Gjilanit”, tha ai.

Kurse, përfaqësuesi i UNDP-së, Andreë Russell, tha se terrorizmi nuk është diçka që ndodh vetëm në Kosovë, por sipas tij është problem global.“Botë po zgjohet ndaj faktit se terrorizmi nuk është diçka që po ndodh atje larg apo edhe atë që ne në perëndim e mendojmë se gjithmonë është problemi i tjetër kujt. Është problem i joni, nuk është vetëm problem i tyre dhe kjo duhet të na zgjojë nga gjumi dhe të mendojmë se kjo është iniciativë globale, se nuk është vetëm problem i Kosovës dhe i rinisë së Kosovës, është problem global.

Është problem i një aspekti global prandaj duhet të punojmë së bashku në shumë fronte të ndryshme”, theksoi ai.Ndërkaq, Luigi Brusa nga Zyra e BE-së, tha se radikalizmi dhe ekstremizmi i dhunshëm vazhdon të jetë kërcënim për regjionin e Ballkanit Perëndimor.“Radikalizmi dhe ekstremizmi i dhunshëm vazhdojnë që të jenë kërcënim për ju dhe për regjionin e Ballkanit perëndimor.

Çështja e radikalizmit është vendosur në nivel të lartë në Evropë, në disa vitet e fundit.

Fatkeqësisht Kosova ka qenë po ashtu e përmendur në këto raporte duke pasur parasysh nivelin jashtëzakonisht të lartë të luftëtarëve dhe luftërave të huaja për kokë banori. Situata në të cilin gjendet Kosova ka rritur këtë numër shoqëritë post konfliktuoz, institucionet e dobëta, parlamenti jo gjithmonë funksional dhe korrupsioni politik, i cili është ende mik në Kosovë”, tha ai.

Konferenca me temën “Mekanizmi i referimit, mësimet e marra dhe praktikat më të mira”, është organizuar nga ambasada e Italisë në Prishtinë, në bashkëpunim me UNDP.

Përsëri në shkollë me Viva Fresh Store!  

Sponsoruar