Lajme

Eksperti i emergjencave “godet” komunën e Prishtinës: U dashtë që të vdesin njerëz që ata të marrin veprime

Autori: Gazeta inFokus 14:09 | 08 June 2022

Njohësi i çështjeve të emergjencave, Tahir Ahmeti, i ka reaguar ashpër Komunës së Prishtinës pas vendimit për të hequr dhe eliminuar drunjtë e kalbur, shkruan Gazeta Infokus.

Ai përmes një postimi në Facebook, ka thënë se është dashur që të ketë viktima dhe të lënduar që Komuna e Prishtinës të eliminojë drunjtë e dëmtuar që paraqesin rrezik për qytetarët.

“Komuna e Prishtinës sot paska filluar heqjen dhe krasitjen e drunjve të dëmtuar. Pra, është dashtë që të kemi viktima dhe të lënduar në mënyrë që të intervenohet për të identifikuar dhe eliminuar drunjtë e dëmtuar që paraqesin rrezik për qytetarët”, ka shkruar Ahmeti.

-Advertisement-

Ai po ashtu shtoi se vlerësimi i rrezikut dhe marrja e masave për parandalimin e rreziqeve të mundshme duhet të bëhet në mënyrë të vazhdueshme dhe me kohë.

“Vlerësimi i rrezikut dhe marrja e masave për parandalimin e rreziqeve të mundshme duhet të bëhet në mënyrë të vazhdueshme dhe me kohë. Siguria e qytetarëve është dhe duhet të jetë primare”, shtoi ai./Gazeta Infokus/

Subscribe në YouTube: GAZETA INFOKUSI
Etiketa:
KosovaMed përmbyll vitin me sukses – dhuron donacione për QKMF-në e Junikut

Të tjera

Fokusi

lajme