Teknologjia po shkon aq larg sa eksperti i sigurisë kibernetike thotë se në të ardhmen mund të kemi robotë që mund të dijnë gjithë historinë tonë shkaku i publikimit të të dhënave në internet për një kohë të gjatë.

“Krejt ato të dhëna që na i postojmë për fëmijën tonë prej se lindë, ditës kur ka lindë, e qesim datën e lindjes, dhëmbin e parë, çdo aktivitet, buzëqeshje, emocion, qarje e kështu me rrallë, gjithçka gjatë zhvillimit të tij dhe gjithë historia e fëmijëve tonë ka me mbete në internet. Pavarësisht që ma vone munden me u fshi ato janë dikun në internet edhe krejt “machinelearning”, krejt këto teknologjitë e reja që mësojnë nga kjo gjuhe…dhe mundet nesër me na dal një robot i cili e dinë krejt historinë tonë bazuar në historinë në internet që e ka pas në 30 vitet e kaluara”, thotë Tanzer Abazi, eksperti i sigurisë kibernetike.

Krenare Sogojeva-Dërmaku, komisionere për Informim dhe Privatësi thotë se mundësia e keqpërdorimit të të ndhënave personale është shumë e madhe, pasi ato janë kapital për bizneset.

“Duhet që secili pa marrë parasysh prej ne vendin ku punon apo edhe në vendin ku kërkon shërbime ta di që të dhënat personale sot janë kapital për bizneset, të dhënat personale sot në këtë botë digjitale mund të keqpërdoren dhe thjeshtë të krijohen situata të atilla për individët ku mund të çojë edhe të vrasja, vetëvrasja dhe keqpërdorime prej me të ndryshmeve sepse ketë po e mundëson kjo botë digjitale që ne po e jetojmë”, ka thënë ajo.

Edukimi mbetët njëra ndër shtyllat kryesore për parandalimin e këtyre rasteve, si atë të qasjes në faqet pornografike ashtu edhe mësimi se nuk duhet të cenojmë intimitetin e tjetrit.

Mimoza Shahini, profesoreshe dhe psikiatre thotë se prindërit munden më i mesu një fëmije ku janë kufijtë për mos të cenuar intimitetin e tjetrit.

“Duhet t’i mësojnë fëmijët që të kërkojnë leje, kërkojnë leje qoftë edhe për publikimin e një foto të thjeshtë duke pirë kafe, sepse në këtë mënyrë, fëmija mësohet se kur ajo të bëhet serioze si foto, atëherë mos ta ndajë më të tjerët”, është shprehur ajo.

Veç tjerash, fëmijët duhet të mësohen që mos të kenë frikë të kërkojnë ndihmë kur dikush e cenon integritetin e tyre, si dhe mos t’i besojnë askujt në rrjete social.

“Mos i besoni askujt në rrjete sociale, mos i besoni as vëllaut në rrjete sociale, sepse mundet mu haku llogaria e tina, edhe i njëjti llogari mu shfrytezu, m’u haku llogarite e tjera”, shprehet eksperti i sigurisë.

Askujt mos i besoni që të ndani materiale private apo intime, por nëse veç jeni viktimë e këtyre personave shantazhues, atëherë lajmëroni me urgjencë familjen, Policinë, Prokurorinë dhe Agjencinë për Informim dhe Privatësi./ BetimipërDrejtësi

Comodita po tërheq klientë seriozë në Panarin IMM, në Këln të Gjermanisë

Sponsoruar