Ekspertët: Qeveria ta dekretojë draftin e Asociacionit si akt nën-ligjor
Autori: Gazeta inFokus 15:23 | 03 March 2024
Pavarësisht kërkesës së BE-së dhe ShBA-së, për ta dërguar në Gjykatë Kushtetuese draft-statutin e Asociacionit, Qeveria e Kosovës ende nuk e ka bërë një gjë të tillë.
Ndërkohë, njohësit e çështjeve kushtetuese thonë se qeveria duhet ta dekretojë draftin si një akt nën-ligjor dhe më pas ta shqyrtojë Gjykata Kushtetuese. Por, sipas tyre, qeveria nuk po dëshiron të hyjë në histori se po e themelon Asociacionin.
Shtetet e Bashkuara të Amerikës dhe Bashkimi Evropian po vazhdojnë të kërkojnë nga Qeveria e Kosovës që të ecin me hapa më të shpejtë për sa i përket themelimit të Asociacionit të komunave me shumicë serbe.
Ditët e fundit, ambasadori amerikan në Kosovë, Jeffrey Hovenier, e ka këshilluar Qeverinë që të kërkojë sa më shpejt mendimin e Gjykatës Kushtetuese për një draft-statut të hartuar nga Perëndimi. Megjithatë, ende nuk është bërë ndonjë hap në këtë drejtim. Radio Kosova i ka dërguar pyetje Zyrës së kryeministrit, se kur pritet ta dekretojë qeveria draft-statutin e Asociacionit e më pas ta dërgojë në Kushtetuese, por një përgjigje të tillë ende nuk e ka marrë.
E për këtë, profesori i së drejtës kushtetuese, Kadri Kryeziu, tha për Radio Kosovën se draftin duhet ta dekretojë qeveria si një akt nën-ligjor e më pas të marrë mendimin e Gjykatës Kushtetuese.
“Ky dokument hyn në kuadër të dokumenteve ligjore, sepse Asociacioni kohë më parë ka kaluar në Kuvend, i ka marrë 84 vota për, një ka qenë kundër dhe një ka qenë abstenim. Kështu që kjo ka hyrë në kuadër të sistemit të brendshëm ligjor dhe në kuadër të këtij ligji tani është hartuar, është projektuar një akt nën-ligjor, i cili është statuti. Por si akt nën-ligjor duhet të jetë i dekretuar dhe dekretimin duhet ta bëjë Qeveria e Kosovës dhe në momentin kur të dekretohet, një përfaqësues i Ministrisë së Pushtetit Lokal ka për obligim ta dërgojë në Gjykatën Kushtetuese, e më pas Gjykata Kushtetuese e merr dhe e trajton si rast”, tha Kadri Kryeziu.
Profesori universitar, Dritëro Arifi, ka thënë për Radio Kosovën se qeveria është zotuar se do ta zbatojë këtë marrëveshje për sa i përket themelimit të Asociacionit, por sipas tij, qeveria nuk po dëshiron të hyjë në histori se po e themelon asociacionin.
“Pikërisht këtu është edhe mllefi i ShBA-së, sepse Qeveria e Kosovës është zotuar se do ta zbatojë atë marrëveshje. Pra, është shumë e thjeshtë, qeveria e dekreton draft-statutin dhe e dërgon në Gjykatën Kushtetuese për t’u verifikuar a është në harmoni me ligjet dhe Kushtetutën tonë. Pra, këtu nuk duhet të ketë frikë askush. Por, për Qeverinë e Kosovës problemi është historik, pra, ata kanë mbetur në kurthën e vet, sepse nuk dëshirojnë të hynë në histori të Kosovës se Qeveria Kurti po e zbaton Asociacionin. ShBA-ja e ka kuptuar se qeveria nuk po dëshiron ta zbatojë në formën se si është dhe këtu është ai mos komunikimi normal bilateral, në këtë rast ndërmjet ShBA-së dhe Kosovës”, tha ai.
Kohë më parë, zëvendëskryeministri Besnik Bislimi publikisht ka treguar se janë pajtuar për dërgimin e dokumentit në Kushtetuese, duke sqaruar se themelimi i Asociacionit do të kalojë në disa faza.
Në tetor të vitit të kaluar, diplomatët perëndimorë ia kanë paraqitur Kosovës dhe Serbisë një draft-statut për formimin e Asociacionit, të cilin palët e kanë pranuar në parim. Kosova dhe Serbia kanë arritur marrëveshje për Asociacionin në vitin 2013 dhe më pas më 2015 mbi parimet për themelimin e tij. Po më 2015, Gjykata Kushtetuese e Kosovës ka gjetur se marrëveshja nuk është në harmoni të plotë me Kushtetutën.
Të tjera
-
Bytyçi thotë se gjatë punës si gazetar ka paraqitur nivel organizimi dhe pushteti të UÇK-së që nuk ishte në realitet
Gjatë dëshmisë së tij dëshmitari Nuhi Bytyçi pohoi se gjatë punës së tij si g...
-
Foli me Radojiçiqin, Konjufca: Nuk dyshoj në Kusari-Lilën për tradhti kombëtare, mund ta quani pakujdesi të saj
Kryetari i Kuvendit të Kosovës, Glauk Konjufca, ka komentuar telefonatën që s...
-
PDK në Prishtinë: 15 hektarë të pronës komunale te Stacioni i Autobusëve u tjetërsuan për ndërtim
Në një konferencë për media, Nënkryetarja e PDK-së Besianë Musmurati dhe shef...
-
Petkoviq me ofendime të rënda për kryeministrin Kurti, e quan bandit dhe zjarrvënës në Ballkan
Drejtori i të ashtuquajturës Zyra e Qeverisë së Serbisë për Kosovë Petar Petk...
-
Telefonata me Radojiçiqin, Kusari-Lila nuk e mohon bisedën – “Janë deklarata të para dy viteve…”
Shefja e Grupit Parlamentar të Vetëvendosjes, Mimoza Kusari-Lila, është pyetu...
-
Kosova për herë të parë pas nënshkrimit të Traktatit të Athinës në vitin 2005 merr udhëheqjen e Presidencës së ECRB
Kosova ka marrë udhëheqjen e Bordit Rregullativ të Komunitetit të Energjisë (...
-
Të dyshuar për kurdisjen e konkursit për 12 mjekë në Prizren, ngritet aktakuzë ndaj dy zyrtarëve
Prokuroria Themelore në Prizren ka ngritur aktakuzë ndaj dy personave, nën dy...
-
Aksion i madh i policisë: Arrestohen 6 persona dhe konfiskohen substanca nar*otike në vlerë mbi 200 mijë euro
Policia e Kosovës, respektivisht Drejtoria për Hetimin e Trafikimit me Narkot...
-
Gjyqtari Nicolas Guillou dorëhiqet zyrtarisht nga Dhomat e Specializuara
Gjyqtari i Dhomave të Specializuara, Nicolas Guillou, ka dorëzuar dorëheqjen ...
-
“Orhan PamBukut”- Nagavci u bë “meme” për huqjen e mbiemrit të shkrimtarit turk me të cilin darkoi Kurti
Ministrja e Arsimit, Arbërie Nagavci, dëshmoi dje se s’e di saktë mbiemrin e ...
-
13-vjeçari nga Vushtrria është haxhiu më i ri nga Kosova
Bashkësia Islame e Kosovës ka publikuar foton e një 13-vjeçari, ku ka bërë me...
-
Fituese u shpall kompania më e shtrenjtë, pezullohet tenderi për renovimin e stadiumit të Gjilanit
Tenderi për renovimin e stadiumit të qytetit të Gjilanit është pezulluar. ...