Ekspertët kanë mendime të ndryshme nëse FSK-ja bëhet ushtri pa e ndryshuar emrin
Autori: Gazeta inFokus 12:58 | 21 October 2018
Në mungesë të përkrahjes së Listës Serbe për ndryshime kushtetuese, transformimi i Forcës së Sigurisë së Kosovës në ushtri po bëhet me ndryshime ligjore.
E kjo sipas ekspertëve të fushës do të thotë se FSK nuk mund të quhet ushtri derisa nuk i ndërrohet emri.
Profesori i së drejtës kushtetuese, Mazllum Baraliu thoë se mund të bëhet vetëm avancime dhe në asnjë mënyrë ndërhyrje në emërtim.
“Avancime mund të bëjmë në kuptimin që tham më parë ne këtu, të ri-përshkrimit të kompetencave dhe ingirencave, por në asnjë mënyrë të emërtimit dhe funksionit primar që duhet ta ketë një ushtri nuk mund ta bëjnë me ligj sepse do të binte menjëherë ndesh me Kushtetutën dhe nuk mund të shkojnë ligje të tilla do të jenë detyruar patjetër të prishen nga Gjykata Kushtetuese”, thotë ai.
Sipas Baraliut, pa ndryshimin e emrit të FSK-së, nuk mund të ketë transformim.
Profesori Baraliu thotë se çështja kryesore është emërtimi, andaj sipas tij, do të duhej të kishte ndryshime kushtetuese.
“Në radhë të parë, pa ndryshimin e emrit të Forcës së Sigurisë nuk ka transformim, sepse emërtimi dhe emri janë çështja e parë kryesore e një formacioni të caktuar të mbrojtjes apo sigurisë, në këtë rast për ushtrinë do të duhej që për të pas transformim, do të duhej që në Kushtetutë, më tepër se në ligj, ligjet që po plotësohen dhe ndryshohen, do të duhej të ketë ndryshim dhe plotësim të Kushtetutës dhe aty ku shkruan FSK, të rregullohet edhe kompetenca edhe ingirenca edhe emërtimi, dhe veprimtaria e ushtrisë, do të duhej të rregullohej me Kushtetutë”, thekson Baraliu.
Por, kështu nuk mendon edhe ish-komandanti i FSK-së, Kadri Kastrati.
Emri sipas tij nuk e bën ushtrinë, por misioni dhe detyrat.
“Emri nuk e bënë ushtri, e bën misioni, nga misionit dalin detyrat, nga detyrat del armatimi. Pajisjet dhe të gjitha nevojat e tjera që i nevojiten një ushtrie. Ushtria e Kosovës bëhet edhe me këtë emr që i mbetet emri i Forcës së Sigurisë dhe me këto tre draft ligje që kanë shkuar në Parlament”, thotë Kastrati.
Procesin e tranzicionit të FSK-së e kanë përkrahur edhe SHBA-të.
Ky tranzicion sipas tyre duhet të jetë i disiplinuar dhe transparent, në mënyrë që ai ta bëjë FSK-në një ushtri profesionale, shumë etnike dhe e cila është e ndërveprueshme me NATO-në. /Gazeta inFokus
Të tjera
-
Tre të dyshuar janë dërguar në mbajtje pasi u përplasën fizikisht me policinë në Klinë
Tre persona janë arrestuar pasi që të njëjtit gjatë një proteste nuk ju kanë ...
-
Mosmarrëveshje për pronë, arrestohet një person në Prishtinë
Të hënën në Prishtinë është arrestuar një person pasi i njëjti ka kanosur një...
-
Vasfije Krasniqi pas mbledhjes së KS: Serbia humb çdo betejë
Presidentja Vjosa Osmani në mbledhjen e Këshillit të Sigurimit të Kombeve të ...
-
Agjenda të ngjeshura, sot mblidhen shtatë komisione parlamentare
Komisioni për Arsim, Shkencë, Teknologji, Inovacion, Kulturё, Rini dhe Sport ...
-
Aksident në Lipjan, humb jeten një person
Rasti ka ndodhur në rrugën “Ibrahim Rugova”, të këtij qyteti. Zëdhënësi i ...
-
Prokuroria Speciale sot pranon donacionin nga Ambasada e Britanisë së Madhe
Kryeprokurori i Prokurorisë Speciale, Blerim Isufaj, do të jetë sot nikoqir i...
-
Pamje terrorizuese – Pas goditjes 6.3 ballëshe, dhjetëra tërmete në pak orë në Tajvan/Pamje
Më shumë se 80 tërmete, më i madhi prej të cilëve kishte një magnitudë 6.3 ba...
-
BE-ja reagon për rezultatet e votimit në veri, s’tregon kur do t’i heqë masat
Rezultatet e votimit në veri nuk kontribuojnë në zbutjen e tensioneve, kanë t...
-
Prokuroria: Trump u përpoq të manipulonte zgjedhjet me pagesat! Avokatët: Padia gjyqësore e pabazë
Donald Trump u përpoq të ndikonte në mënyrë të paligjshme në zgjedhjet presid...
-
Qeriqi vazhdon dëshminë në procesin gjyqësor ndaj ish-krerëve të UÇK-së
Në Dhomat e Specializuara të Kosovës në Hagë sot do të vazhdojë procesi gjyqë...
-
Haliti për Bedri Hamzën: Është më i mirë se Albin Kurti
Deputeti i Partisë Demokratike të Kosovës, Xhavit Haliti, tha se kandidati i ...
-
Moti sot kryesisht me shi
Instituti Hidrometeorologjik i Kosovës ka njoftuar se sot pritet të jetë mot ...