Ekskluzive: Në Kosovë mbërrijnë 120 ftesa nga Gjykata Speciale
Autori: Sylejman Sylejmani 12:52 | 17 December 2018
Më shumë se 120 ftesa kanë mbërritur në Kosovë nga Gjykata Speciale.
Ish-komandantë, ushtarakë, e shumë të tjerë që ishin pjesë e Ushtrisë Çlirimtare të Kosovës, më së largu deri me 31 dhjetor të këtij viti do të marrin urdhër për t’u paraqitur në Hagë, shkruan Gazeta inFokus.
“Ftesat të gjithëve do t’u shpërndahen këtë vit”, i ka thënë gazetës një zyrtarë shtetëror në kushte anonimiteti.
Sipas burimeve të gazetës inFokus, pjesë e kësaj liste të gjatë janë shumë prej krerëve të lartë të UÇK-së, nga të gjitha zonat e Kosovës.
Disa prej tyre tashmë i kanë marrë ftesat, e të tjerët kryesisht nga Rrafshi i Kosovës dhe Dukagjinit pritet që ato t’i pranojnë në ditët në vijim.
Avokatët e licencuar për të mbrojtur raste në Gjykatën Speciale, të kontaktuar nga Gazeta inFokus dëshirojnë të flasin vetëm për klientët e vet.
Megjithatë, nuk habiten nëse numri i të ftuarve nga Specialja mund të jetë kaq i madh, pasi nuk dihet se sa persona do të ftohen.
Avokati Tahir Rrecaj thotë se klienti i tij, Nazif Mehmeti do të intervistohet në datat 22, 23 dhe 24 janar të vitit 2019.
Por, Rrecaj akoma nuk e di se në çfarë cilësie është ftuar klienti i tij, si i dyshuar apo si dëshmitar.
“Nuk e dimë se në çfarë cilësie akoma është thirrur. Nuk e dimë se për cilat raste eventualisht mund të jetë i dyshuar. Realisht është dashtë të dihet edhe cilësia, statusi i personit i cili ftohet. A është i dyshuar, apo çka, por sidoqoftë këtë informacion do ta marrim ose para ditës së intervistës ose në ditën e intervistimit, por tash për tash nuk e kemi të ditur”, ka thënë Rrecaj për Gazetën inFokus.
Ai shprehet i habitur se si një institucion siç është prokuroria bënë thirrje të tilla, pa e përcaktuar statusin e personit.
Kjo sipas tij është hera e parë që ndodhë diçka e tillë.
Avokati tjetër që do të mbrojë raste në këtë gjykatë e cila do të gjykojë nëse UÇK-ja ka kryer krime, Tomë Gashi thotë se pret që gjykimet të fillojnë shumë shpejt.
“Përveç këtyre që janë bërë publik unë besoj që nuk mund të jap afate deri kah viti i ri që do të bëhen publike këto ftesa, por mund të themi që jemi në prag të fillimit të punës së Gjykatës Speciale, edhe pse prokuroria tashmë ka filluar duke i bërë publike dhe duke filluar edhe intervistimin. Gjykimet e para mund të fillojnë gjatë vitit të ardhshëm, gjatë vitit 2019, për shkak se është e pamundur që tash të organizohen gjykimet”, ka thënë Gashi për inFokus.
Ai ka theksuar se përveç ndonjë dëshmitari të profilit të lartë, dëshmitarët e rëndomtë nuk do të bëhen publik, për shkak të ndjesisë së procesit.
Ish komandantët Sami Lushtaku, Rrustem Mustafa – Remi, Nazif Mehmeti – Dini, e ish-kryetari i Gjykatës Ushtarake të UÇK-së, Sokol Dobruna janë ftuar nga kjo Gjykatë tashmë.
Akoma nuk është qartësuar nëse këta persona janë intervistuar si dëshmitarë, apo si të akuzuar. /Gazeta inFokus/
Të tjera
-
Haradinaj: Kurti i ndihmoi aleatët e Vuçiqit dhe Rusisë duke i përçarë shqiptarët në Maqedoninë e Veriut
Kryetari AAK-së, Ramusha Haradinaj, ka kritikuar kryeministrin Albin Kurti pë...
-
Takimi me O’Brien, Kurti: Gjithmonë mirënjohës Shteteve të Bashkuara të Amerikës për mbështetjen ndaj Kosovës
Kryeministri i vendit, Albin Kurti të mërkurën në Gjermani është takuar me nd...
-
Bruksel: Kërkohet takim trilateral Kosovë-BE-Serbi
Takimi mes Kosovës dhe Serbisë në kuadër të dialogut në Bruksel, i cili ishte...
-
Gjermania e kërkon Asociacionin, zbatimi i vendimit për Manastirin s’mjafton për finalen në Këshill të Evropës
batimi i vendimit të Kushtetueses për Manastirin e Deçanit nuk është kundërpe...
-
Zgjatet orari në qendrat për pajisje me dokumente, punohet edhe të shtunave
Agjencia e Regjistrimit Civil sot ka marrë vendim që në të gjitha Qendrat për...
-
Tahiri: Raporti i DASh-it për Kosovën është letërnjoftimi i kësaj qeverie
Shefi i grupit parlamentar të AAK-së, Besnik Tahiri, duke komentuar rapor...
-
S’futet në rend dite propozimi i PDK-së për debat në lidhje me të gjeturat e DASh-it
Propozimi i PDK-së për debat parlamentar në lidhje me të gjeturat e raportit ...
-
U vazhdohet paraburgimi edhe për dy muaj tre të dyshuarve për su*min në Banjskë
Me kërkesë të Prokurorisë Speciale të Kosovës, Gjykata Themelore ua ka vazhdu...
-
Në seancë të mbyllur nis dëshminë dëshmitari i 57-të në rastin Thaçi dhe të tjerët
Në Dhomat e Specializuara të Kosovës (DhSK) në Hagë po vazhdon dëshminë dëshm...
-
Nis seanca, PDK kërkon debat parlamentar në lidhje me të gjeturat e raportit të DASh-it
Shefi i grupit parlamentar të PDK-së, Abelard Tahiri, ka kërkuar në emër të p...
-
Kusari-Lila: Mundësia e marrëveshjes për dinarin varet nga BE-ja sa po e bind Serbinë të mos jetë palë destruktive
Shefja e deputetëve të Lëvizjes Vetëvendosje, Mimoza Kusari Lila, ka thënë se...
-
Shefja e USAID-it, ai i UNICEF-it dhe ministrja Nagavci vizitojnë Gjilanin
Komunën e Gjilanit e ka vizituar drejtoresha e Misionit të USAID-it në Kosovë...