EKSKLUZIVE: “E ndieja veten të lënë pas dore, si e shpraza plumbin në kry u bana pishman”- Raporti psikiatrik i Edmond Lajqit ku tregon si e kreu vr*sjen e gruas së tij, Xhyljeta Ukellës
![](https://gazetainfokus.com/wp-content/uploads/2024/07/auto_Edmond_Gjyljeta1713272373-852x460.jpg)
Autori: Gazeta inFokus
09:13 | 12 July 2024
Mëngjesin e 16 prillit, Peja dhe e gjithë Kosova u trondit nga vrasja e Xhyljeta Ukellës.
Veprën e rëndë e kishte kryer bashkëshorti i saj, Edmond Lajqi, në banesën ku jetonte çifti, në qendër të qytetit të Pejës.
Prej ditës kritike, Lajqi është duke qëndruar në paraburgim.
Përgjatë kësaj kohe, atij i është kryer një raport mbi gjendjen e shëndetit mendor të tij
Brenda këtij raporti të cilin e posedon Gazeta Infokus, theksohet se Lajqi në ditën kur e kreu veprën penale, kishte aftësi mendore që ta kuptoj rëndësinë e veprës dhe që të kontrolloj veprimet e tij.
“Në momentin e kryerjes së veprës për të cilën akuzohet, aftësia mendore që të kuptoj rëndësinë e veprës dhe të kontrolloj veprimet e tij ka qenë e ruajtur, bazuar edhe në mënyrën e sjelljes së tij dhe dinamikën e ngjarjes së zhvilluar para, gjatë dhe pas veprës penale”, konstatohet në raport.
Në konstatimin e Institutit të Psikiatrisë Forenzike, theksohet gjithashtu se Lajqi edhe në të kaluarën e ka kryer veprën penale të dhunës në familje.
Brenda raportit janë përfshirë edhe disa deklarata të cilat Lajqi i ka dhënë para ekspertëve ligjor.
Krizat bashkëshortore, Lajqi ka treguar se nisën para rreth dhjetë vitesh.
“Krizat e para bashkëshortore i përshkruan të kenë filluar që në vitin 2014, kohë të cilën e përshkruaj se ka përjetuar edhe “thyerjen e parë” pasi që bashkëshortja kalonte kohë me familjarët e saj ndërsa Edmondi e ndiente veten të lënë pas dore. Në atë kohë kanë pasur edhe kriza financiare dhe se Edmondi ka luajtur edhe bixhoz “në aparata”. Pohon të ketë konsumuar marihuanë rreth 6-7 muaj pas lufte, kokainë, alkool deri në dehje”, theksohet në raport.
Ngjarja e rëndë, sipas Lajqit ndodhi për shkak të problemeve të vazhdueshme që i kishin mes vete çifti.
Ditën kritike ai ka treguar se kishte qenë tek nëna e tij në spital dhe se në banesë kishte mbërritur rreth orës 5:30.
“Derën ma qeli djali 5 vjeç, lujke me lojna në telefon në dhomë të ditës… ajo ka qenë në gjumë duke flejt… kom cokat…mandej ajo u zgju…tha pse ja qelet derën…unë kom ndejt nëpër banjo, jom sill në sallon deri sa u çel dera…kom mEndu shumë gjatë 2-3 orë deri sa u zgju…menojsha për situatën krejt çka osht realitet. Kur u zgju spatëm komunikim, smë ka kqyr hiq, vazhdoj e qiti kafe për veti, dhezi cigare…ajo në sallon ulun e unë në ballkon pisha cigare…asnjë komunikim…mandej ju kom afru e kom nxir revolen në brez që e kom pas me vete 2-3 ditë…ajo ke ty pi cigare…edhe hiq skom fol… e shpraza një plum në kry… vajza ish shku në pilar me ble pampersa për nanën, djali te banesa e nanës e edhe vajza e madhe në banesë të nanës…edhe u dorëzova në polici…aty për aty u bana pishman kur e pash gjakun në kauq….”, ka deklaruar Lajqi duke shpjeguar atë që ndodhi ditën tragjike.
Në raport theksohet se Lajqi e përshkruan vetem si një person me çrregullime aty këtu, për shkak se në të kaluarën ka qenë përdorues i kokainës.
Avokatja e familjes Ukella, Fehmije Gashi Bytyqi, tregon se raporti ka zbardhur shumëçka rreth ngjarjes.
“Mendimi i ekspertizës ka ardhë që nuk ka qenë në ndikimin e narkotikëve dhe mjaft me gjakftohtësi e ka kry vrasjen dhe mandej edhe arsyetimin që e ka dhënë para psikiatrave, sepse në polici është mbrojtë ne heshtje, ndërsa para prokurorit ende nuk ka dal, presim në ditët në vijim, ai nga deklarata që e lexova që e ka dhënë para mjekëve të psikiatrisë forenzike, me pak arsyetshmëri e ka arsyetuar atë vrasje. Sepse thotë se ajo është marrë shumë me familjen e vet, më ka lënë larg vëmendjes”, thotë avokatja Gashi.
Edmond Lajqi ishte dënuar edhe në vitin 2021 për veprën penale dhunë në familje.
Asokohe Gjykata Themelore e Pejës e kishte dënuar me vetën 3 muaj burgim dhe 100 euro gjobë. /Gazeta Infokus
![](https://gazetainfokus.com/wp-content/uploads/2023/12/414852708_7280633965309387_5391335122745764068_n-1130x635-1.jpg)
Të tjera
-
Pritje mbi 1 orë, gjendja nëpër pikëkalimet kufitare
Qendra Kombëtare për Menaxhim Kufitar ka bërë një përditësim rreth gjendjes n...
-
Bordi shkarkon Kryeshefin e “Trepçës”, Faton Ahmeti emërohet ushtrues detyre
Bordi i Ndërmarrjes “Trepça Sh.A” ka shkarkuar Kryeshefin Ekzekutiv të kësaj ...
-
Pritjet te Dheu i Bardhë deri në dy orë
Pritjet për të dalë nga pika kufitare Dheu i Bardhë, po zgjasin deri në dy or...
-
Pagat për minatorët e Trepçës pritet të dalin javën e ardhshme
Pritja dy mujore e minatorëve të “Stan Tërgut” për pagat, pritet të marrë...
-
Fetai takon Gërvallën në Prishtinë pas incidentit në Shkup: Po bëhen hetime, do të ketë përgjegjësi për çdo shkelje
Zëvendëskryeministri i Qeverisë së Maqedonisë së Veriut, Arben Fetai, ka ...
-
Osmani për vrạsjen e gruas nga burri i saj: Mizori të tilla s’duhet të tolerohen
Presidentja e vendit, Vjosa Osmani, ka reaguar pas vrasjes së një gruaje që d...
-
Qeveria maqedonase shpreh keqardhje për incidentin me Presidenten Osmani, paralajmërojnë masa që të shmangen situatat e tilla
Qeveria e Maqedonisë së Veriut ka shprehur keqardhje për incidentin që ndodhi...
-
Ish-presidenti Pacolli për incidentin me Osmanin në aeroportin e Shkupit: Stafi i presidentes janë fajtorët e vetëm
Ish-presidenti i Kosovës, Behgjet Pacolli, i cili njihet edhe për posedim...
-
Aksident i rëndë trafiku në Sllatinë (PAMJE)
Një aksident trafiku ka ndodhur para pak minutave në Sllatinë, shkruan Gazeta...
-
Rishqyrtimi i dënimit të Sali Mustafës, Specialja cakton panelin e gjyqtarëve të Apelit
Pasi Gjykata Supreme e Dhomave të Specializuara të Kosovës kanë anuluar v...
-
Shefi i stafit të Konjufcës thotë se ndërkombëtarët do të duheshin të insistonin për hapjen e urës së ibrit
Ilir Kërçeli, shefi i stafit të kryeparlamentarit Glauk Konjufca, ka thënë se...
-
Ahmeti, Osmanit: Skuqem nga turpi i tyre, falni se nuk e dinë se çka bëjnë
Kryetari i BDI-së, Ali Ahmeti, ka reaguar pas incidentit në Aeroportin e Shku...