Lajme

Ekrem Hyseni zgjidhet kryetar i Degës së LDK-së në Podujevë

Autori: Gazeta inFokus 12:42 | 29 January 2022

Ekrem Hyseni është zgjedhur kryetar i degës së LDK-së në Podujevë me 74 vota pro dhe një abstenim.

“Me 74 vota pro dhe nje abstenim Dr. Ekrem Hyseni zgjedhet kryetar i LDK – Podujevë. Urime”, kanë bërë të ditur nga dega e LDK-së në Podujevë.

Deputeti i Lidhjes Demokratike të Kosovës dhe ish-kreu i Komunës së Podujevës, Agim Veliu, përmes një shkrimi në ‘Facebook’ njoftoi se dega e LDK-së në Podujevë bashkë me kreun e partisë, Lumir Abdhixhiku, kanë thirrur mbrëmë një Kuvend të jashtëzakonshëm të degës së Podujevës.

-Advertisement-

Veliu tha se një kuvend i tillë është kundër statutit të LDK’së dhe i paligjshëm, prandaj ai nuk mori pjesë.

“Duke qenë se kuvendi i sotëm është kundërstatutar dhe i paligjshëm, të dashur veprimtarë dhe anëtarë të LDK-së, ju njoftoj se nuk do të marr pjesë në një farsë të tillë, ku do të tentohet të kontrabandohet një kryetar i ri, që nuk është as pjesë e strukturave të degës sonë”, ka shkruar Veliu.

Subscribe në YouTube: GAZETA INFOKUSI
Etiketa:
Comodita në Las Vegas Market prezanton linjat e reja të dyshekëve për tregun amerikan

Të tjera

Fokusi

lajme