Lajme

Egzon Pacolli i LDK’së akuzon ministrin Elbert Krasniqi për shpërdorim: 750 litra naftë për një muaj – këta edhe në naftë vjedhin

Autori: Gazeta inFokus 20:17 | 09 May 2025

Egzon Pacolli nga Lidhja Demokratike e Kosovës, ka hedhur akuza të rënda ndaj ministrit të Administrimit dhe Pushtetit Lokal, Elbert Krasniqi, duke e akuzuar për shpërdorim të resurseve shtetërore në përdorimin e veturës zyrtare.

Përmes një postimi në rrjete sociale, Pacolli ka publikuar të dhëna sipas të cilave vetëm gjatë muajit prill, ministri Krasniqi ka harxhuar 750 litra naftë dhe ka përshkuar 15 mijë kilometra për 20 ditë pune.

“750 litra naftë. 15 mijë kilometra. 20 ditë pune. Kaq ka harxhuar Elbert Krasniqi, vetëm për veturën e tij zyrtare gjatë muajit prill,” ka shkruar Pacolli.

-Advertisement-

Ai ironizoi me distancën, duke thënë se për një muaj, Krasniqi ka bërë aq kilometra sa do të mjaftonin për të udhëtuar deri në Kanadë dhe për t’u kthyer prapë.

“Nëse i ndajmë, del që çdo ditë pune ka bërë 750 kilometra. Nëse e llogarisim me kohë, i bie që Elbert Krasniqi ka kaluar rreth 10 orë në ditë në veturë,” thekson Pacolli.

Në fund, Pacolli akuzon drejtëpërdrejt qeveritarët për abuzim me fonde publike: “Këta edhe në naftë vjedhin!”

Subscribe në YouTube: GAZETA INFOKUSI
A e dini ku janë ZBRITJET ma t’mdhaja për festën e Bajramit?
-Advertisement-

Të tjera

Fokusi

lajme