Opinione

Efekti i çmimit tavan ndaj naftës ruse mundësi e rimëkëmbjes ekonomike të Kosovës dhe Evropës?

Autori: Gazeta inFokus 09:13 | 10 December 2022

Shkruan Safet Gërxhaliu

Me vendimin e Qeverive perëndimore për   kufizimin e çmimit të eksporteve të naftës ruse , si përpjekje për të kufizuar të ardhurat nga karburantet që e mbështesin buxhetin e Moskës, ushtrinë e saj dhe pushtimin e Ukrainës është i mirëseardhur edhe për Kosovën dhe vendet e rajonit të Ballkanit Perëndimor e më gjerë.

Një ndër faktorët e ngritjes së çmimeve të produkteve të ndryshme ka qenë kostoja e lartë e transportit si pasojë e çmimit të lart të naftës, por edhe ngriti çmimin e kostos së procesit të prodhimit dhe uli konkurenshmërinë e shumë produkteve dhe shërbimeve në veçanti tek vendet më pak të zhvilluara.

-Advertisement-

Çmimi tavan prej 60 dollarësh për një fuçi nafte  hyri në fuqi të hënën, në të njëjtën ditë që Bashkimi Evropian vendosi bojkot për shumicën e naftës ruse, naftën e papërpunuar që transportohet përmes detit.

Vlen të theksohet se çmimi tavan u prezantua në shtator nga shtetet e G7-të: SHBA-ja, Kanadaja, Mbretëria e Bashkuar, Franca, Gjermania, Italia, Japonia dhe Bashkimi Evropian në përpjekje për të goditur aftësinë e Rusisë që të financojë luftën e saj kundër Ukrainës.

Duhet ditur që ky vendim për çmimin tavan është i mirëseardhur qoftë për bizneset, por edhe për qytetarët e Kosovës, por në aspektin afatshkurt është një goditje për importuesit e mëdhenjë vendor të naftës të cilët importuan sasi të shumta të naftës si rezerva eventuale me çmime të larta dhe tani duhet të shesin me çmimin e ultë aktual dhe janë duke përjetuar humbje milionëshe.

Duhet të kujtojmë se në periudha të ndryshme qeveria vendosi çmime tavan për shitje të naftës dhe shtrohet pytja a ka tani alternativë për të  ndihmuar këto biznese tani kur pësojnë humbje!

Me ketë ngrirje të çmimit të importit të naftës ruse po fillon një epokë e re e fillimit të rimëkëmbjes ekonomike në botë, por edhe një moment psikologjik për qytetarët që të besojnë në ardhmëri më të mirë në shumë dimensione

Subscribe në YouTube: GAZETA INFOKUSI

Të tjera

Fokusi

opinione