Lajme

Edita Tahiri letër pjesëmarrësve të Samitit në Slloveni, kërkon njohje reciproke Kosovë-Serbi

Autori: Gazeta inFokus 11:06 | 06 Tetor 2021

Ish-negociatorja e Kosovës për dialogun në mes të Kosovës dhe Serbisë ka kërkuar që gjashtë vendet e Ballkanit Perëndimor të anëtarësohen në Bashkimin Evropian, njohjen reciproke në mes të Kosovës dhe Serbisë, hapjen e negociatave me Shqipërinë dhe me Maqedoninë e Veriut si dhe ndaljen e tendencave të hegjemonisë serbe.

Kjo kërkesë e Tahirit është bërë në prag të mbajtjes së Samitit të BE-së me Ballkanin Perëndimor. Më tutje Tahiri tha se është e rëndësishme që për shtetasit kosovar të hiqet regjimi i vizave.

“Është e nevojshme të fillohen negociatat me Shqipërinë dhe Maqedoninë e Veriut dhe t’i jepet statusi kandidat Kosovës dhe Bosnje -Hercegovinës, si dhe të hiqet regjimi i vizave i BE -së për qytetarët e Kosovës të cilët padrejtësisht mbahen të izoluar. BE -ja duhet të ndihmojë gjashtë shtetet e Ballkanit Perëndimor për të zbatuar reformat, për të mbështetur zhvillimin e tyre ekonomik dhe për t’u bërë anëtarë të BE -së”, thuhet në letrën e Tahirit.

-Advertisement-

Tahiri shkroi edhe për arritjen e marrëveshjes përfundimtare në mes të Kosovës dhe Serbisë. Ajo tha se paqja në rajon do të jetë e qëndrueshme vetëm nëse respektohen të gjitha traktatet e paqes.

Ne jemi të bindur se paqja në rajon do të jetë e qëndrueshme vetëm nëse respektohen të gjitha traktatet e nënshkruara të paqes dhe se marrëveshja përfundimtare për normalizimin e marrëdhënieve fqinjësore midis Kosovës dhe Serbisë, e lehtësuar nga BE dhe SHBA, duhet të rezultojë në njohje reciproke midis dy shteteve”, thuhet ndër të tjera në letrën e saj.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy