Edhe tre raste të reja me koronavirus, ministri i Shëndetësisë ka një lutje për qytetarët
Autori: Gazeta inFokus 20:03 | 29 March 2020
Në Kosovë para disa minutave janë konfirmuar edhe 3 raste të reja me koronavirus dhe kështu duke rritur në 94 numrin e të infektuarve.
Ministri i Shëndetësisë, Arben Vitia, me anë të një postimi të bërë në Facebook duke thënë se vetëm bashke do të ia dalim ka lutur qytetarët që t’i respektojnë rregullat që janë vënë nga Qeveria e Kosovës, shkruan gazeta inFokus.
Vitia ka kërkuar nga qytetarët që të mos lëvizin në rrugë më shumë se dy persona dhe se duhet të mbahet një distancë prej 2 metrave.
Ai gjithashtu ka njoftuar për masat e reja të ndërrimit të orës policore dhe ka kërkuar nga qytetarët që kohën në të cilën mund të dalin të mos e shfrytëzojnë për tu grumbulluar./Gazeta inFokus/
Ky është postimi i tij i plotë:
Të dashura qytetare dhe qytetarë,
Pas analizimit të efekteve të kufizimit të qarkullimit sipas orarit të parë dhe kërkesave tuaja dhe subjekteve që japin shërbime e prodhojnë, vendosëm që të vijojmë me masa të tjera edhe më efektive. Qeveria, me vendimin Nr.02/17 të datës 27. 03. 2020, udhëzon që koha e kufizimit të lëvizjes të jetë nga ora 17:00 deri në 06:00 të mëngjesit.
Mirëpo, kërkojmë që koha e qarkullimit të mos kuptohet si një hapësirë për t’u grumbulluar dhe rrezikuar shëndetin publik tuajin dhe qytetarëve të tjerë më në rrezik. Prandaj ju lutemi që të respektojmë edhe pikën 3 të vendimit paraprak që mbetet në fuqi, sipas të cilit: “Lëvizjet në rrugë të bëhen jo më shumë se dy persona dhe gjithmonë duke mbajtur distancën 2 metra me të tjerët” .
Kjo vlen edhe për bizneset si supermarketet dhe subjekte të tjera, të cilat janë të obliguara që t’i marrin të gjitha masat për t’i zbatuar këto vendime në të mirë të shëndetit publik.
Gjithashtu, në bashkëpunim me Ministrinë e punëve të brendshme, mosrespektimi i masave të deritanishme nga personat kushdo, përkundër dëshirës sonë, do të pasohet me shqiptim të gjobave dhe sanksioneve konform legjislacionit në fuqi dhe sidomos Ligjit për parandalimin e Sëmundjeve Ngjitëse.
Përveç respektimit të masave të sipërpërmendura, ju lutemi që të shmangni edhe vizitat familjare dhe forma të tjera të grumbullimit brenda familjeve tuaja. Ruajeni shëndetin e juaj por edhe të familjarëve tuaj. Kjo situatë do të kalojë shumë më shpejtë me bashkëpunimin tuaj. Ju lutemi që të keni durimin këto javë shumë të rëndësishme për shëndetin publik dhe shtetin tonë.
Të mundohemi që bashkërisht të ndihmojmë dhe t’i japim mirënjohjen e merituar personelit shëndetësor, i cili me vetëmohim po vazhdon të bëjë ballë kësaj situate me angazhim dhe përkushtim maksimal. T’ju qëndrojmë afër duke qëndruar në shtëpitë tona. T’ju ndihmojmë duke mos dalë pa nevojë jashtë shtëpive tona. Ndihma që ata po kërkojnë është që ne t’ ju përmbahemi këshillave të tyre.
Të tjera
-
Deklarimi i çuditshëm i pasurisë nga Hysamedin Feraj: Shtëpinë e llogaritë 12 euro e 50 cent, banesën rreth 115 euro
Hysamedin Feraj çudit me vlerën e pasurive, deklaron shtëpi 12 euro e 50 cent...
-
Gazetari serb: Vuçiq dhe Lista Serbe do t’i tradhëtojnë deri në fund serbët e Kosovës
Analisti serb, Branisllav Kërstiq, ka deklaruar se në amplitudën e tradhëtisë...
-
Hoti ngre alarmin për mungesë të investimeve kapitale, kërkon rishikim të politikave fiskale
Ish-kryeministri i Kosovës, Avdullah Hoti deklaron se në Qeverinë Kurti janë ...
-
Shkoi për ta vizituar babanë, u bë piktor i njohur, historia frymëzuese e Zecir Gashit nga Gjermania
Një histori frymëzuese nis në vitin 1994 kur Zecir Gashi, kishte udhëtuar për...
-
Kosova merr një mirënjohje në Bienalen e Venecias, ministrja serbe e lëshon sallën (Video)
Ministri i Kulturës, Rinisë dhe Sportit, Hajrulla Çeku, ka bërë të ditur se p...
-
46 mijë e 556 qytetarë me të drejtë vote në referendumin e së dielës në veri
46 mijë e 556 qytetarë të katër komunave veriore, kanë të drejtë të marrin pj...
-
Shumica e pasurisë së kryeparlamentarit Konjufca në emër të prindit
Vetëm një banesë 90 metra katrorë që ka vlerën e 60 mijë eurove, e ka deklaru...
-
Ngritët kallëzim penal ndaj dy inspektorëve dhe u.d kryeinspektores së Shëndetësisë, ia ndërprenë jashtëligjshëm punën një qendre shëndetësore
Është ngritur kallëzim penal ndaj ushtrueses së detyrës së kryeinspektores së...
-
Presidentja Osmani shumicën e pasurisë e deklaron në emër të bashkëshortit të saj
Në deklarimin e pasurisë të bërë në Agjencinë Kundër Korrupsionit, Presidentj...
-
Kryeministri Kurti deklaron pasurinë: Banesë në vlerë 400 mijë euro në emër të gruas (Dokument)
Kryeminsitri Albin Kurti ka deklaruar në Agjencinë për Parandalimin e Korrups...
-
Ramush Haradinaj deklaron pasurinë: Vetëm shtëpitë dhe vila e tij kanë vlerë mbi 1.2 milion euro (Dokument)
Ish-kryeministri i Kosovës, Ramush Haradinaj ka deklaruar pasurinë e tij në A...
-
Memli Krasniqi deklaron pasurinë: 65 mijë euro në Bitcoin, shtëpi 180 mijë euro e banesë 120 mijë euro (Dokument)
Agjencia Kundër Korrupsionit ka publikuar të shtunën, deklarimet e pasurisë s...