Jo vetëm shqiptarët janë kundër krijimit të Asociacionit të Komunave me Shumicë Serbe. Kundër “Zajednicës” po del të jenë edhe banorët serb të vendit. Rreth 6 për qind e banorëve serb të vendit po e vlerësojnë si të dëmshëm themelimin e Asociacionit, shkruan Infokusi.com.

Përderisa në tërë vendin janë më shumë se 70 për qind e qytetarëve që shprehen të jenë kundër ASK-së, ndërsa vetëm 2 për qind e banorëve vlerësojnë se Asociacioni do të ketë ndikim pozitiv.

“Rreth 73.0 për qind e të anketuarve besojnë se marrëveshja e Asociacionit shumë e dëmshme dhe do të ketë ndihim domethënës në funksionimin e brendshëm të Kosovës. Është e domosdoshme të përmendet se një përqindje shumë e kufizuar e të anketuarve serbë, rreth 6.0 për qind, besojnë se Asociacioni do të ketë ndikim negativ në Kosovë”.

Kështu thuhet në Buletinin e Sigurisë “ Perceptimi publik për politikën e jashtme të Kosovës dhe dialogun me Serbinë”, që ka publikuar Qendra Kosovare për Studime të Sigurisë (QKSS).

Në bazë të këtij raporti ka qytetarë që edhe pse banojnë në Kosovë, nuk kanë ndonjë vlerësim për ndikimin që do ta ketë kjo marrëveshje e nënshkruar mes Kosovës e Serbisë në Bruksel në gusht të 2015-ës. Madje, ka të tillë që nuk kanë as informacione për Asociacionin.

Qëndrimi i tyre është neutral.

“Në pjesën më të madhe të kohës, opsioni neutral në vlerësim tregon mungesën e informacionit, ose mungesën e aftësisë për të parashikuar se çfarë do të sjellë Asociacioni, gjithashtu tregon se të anketuarit nuk kanë informacion në lidhje me të. Për këtë, ndikim të rëndësishëm ka pasur qasja e dykuptimësisë konstruktive e BE-së”, thekson raporti i QKSS-së.

Por, përkundër qytetarëve që kanë një qëndrim neutral, rreth 50 për qind e të anketuarve serb besojnë se asociacioni është pozitiv. Serbët e Kosovës, këtë marrëveshje po e shohin si një mjet për të përcjell mesazhet e tyre dhe përmirësuar jetën e tyre në Kosovë.

Ndërsa, një pjesë e serbëve të vendit e kanë zgjedhur heshtjen sa i përket kësaj çështje.

“Është me rëndësi vendimtare të përmendet se mes të anketuarve serbë, një përqindje mjaft e lartë prej rreth 25.0 për qind refuzuan të japin opinion në lidhje me këtë, duke reflektuar qartë hezitimin për ta parë Asociacionin si mekanizëm të ndryshimit në Kosovë”, thuhet më tej në raport.

Lexo edhe: Alarm nga Banka Botërore, “Zajednica” rrezikon Kosovën

Për formimin e Asociacionit të Komunave me Shumicë Serbe ka alarmuar edhe Banka Botërore.

Sipas BB-së, krijimi i ASK-së mund të ndal hovin rritjes ekonomike që u tha se do të jetë 4.8 për qind këtë vit.

“Rreziqet politike mund të rriten me krijimin e Asociacionit të Komunave me Shumicës Serbe dhe krijimin e Forcave të Armatosura të Kosovës”, thuhet në raportin e Bankës Botërore.

Ndryshe me krijimin e ASK-së, një pjesë e gjigantit metalurgjik “Trepça” do t’i mbetet Serbisë, si dhe Liqeni i Ujëmanit që gjendet në veri me krijimin e Asociacionit mund t’i lërë pa ujë shumë qytetete e fshatra të Kosovës, që “Gazivodën” e kanë burim kryesor të ujit. (Arjeta Shabani)/Infokusi

Hej, hej, hej, erdhi Black Friday me zbritje deri në 75% në Comodita Home

Sponsoruar