Lajme

Edhe PSHDK-ja kundër idesë për korrigjim kufijsh

Autori: Gazeta inFokus 12:24 | 01 September 2018

Partia Shqiptare Demokristiane e Kosovës, e përkrah kërkesën e partive opozitare për mbajtjen e seancës së jashtëzakonshme të Parlamentit të Republikës së Kosovës, më 4 shtator, në të cilën do të diskutohet rreth dialogut me Serbinë, në veçanti rreth qëndrimit të presidentit Hashim Thaçi për korrigjimin e kufijve të Kosovës.

kërkon nga deputetët e parlamentit të Republikës së Kosovës që të jenë në mbrojtje të kushtetutës dhe ligjeve të Kosovës dhe të veprojnë në interes të integritetetit dhe sovranitetit të vendit. PSHDK kërkon të mos ketë ndarje të qëndrimeve nga deputetët për qëllime partiake ose klanore, por të jenë njëzëri kundër idesë së presidentit Thaçi për korrigjim të kufijve, që nënkupton shkëmbim të territoreve me Serbinë, si dhe të nxirret një rezolutë e cila i përcakton vijat e kuqe për presidentin Thaçi në bisedime me Serbinë”, thuhet në reagimin e PSHDK-së.

PSHDK thotë se gjithashtu kërkon që të mos lejohet në asnjë mënyrë që marrëveshja eventuale në mes Kosovës dhe Serbisë të krijoj: ndarje të Kosovës, shkëmbim të territoreve apo krijimin e asociacionit me kompetenca ekzekutive.

-Advertisement-

“PSHDK kërkon që të ketë reciprocitet në respektimin e të drejtave të shqiptarëve që jetojnë në Serbi, me të drejtat e serbëve që i gëzojnë në Kosovë”, përfundon PSHDK.

Subscribe në YouTube: GAZETA INFOKUSI