Tash e dy ditë Klina po mbledhë ndihma për të prekurit nga tërmeti vdekjeprurës që goditi zonën bregdetare në veri të Shqipërisë.
Me iniciativë të grupit të tifozëve “Hithat” vetëm gjatë ditës së mërkurë është arritur të grumbullohen mijëra veshmbathje dhe ushqime nga vullneti i lirë qytetarëve të Klinës, shkruan gazeta inFokus.

Nga ky qytet, tashmë janë nisur drejtë Shqipërisë 2 autobus me veshmbathje, 1 kamion me 12 ton miell edhe 4 kombi-bus me gjëra ushqimore, njoftojnë Hithat për inFokusin.

Ndihmat janë dërguar në magazinat e Durrësit, ndërsa sot organizatorët planifikojnë ti vizitojnë direkt familjet e prekura nga tërmeti./Gazeta inFokus/