Sport

Edhe Barcelona interesohet për Zhegrovën

Autori: Gazeta inFokus 13:34 | 16 January 2019

Klube të mëdha evropiane kanë shprehur interesim për reprezentuesin e Kosovës.

Edon Zhegrova ka tërhequr vëmendjen e gjigantëve evropianë të futbollit. Pas raportimeve se Milani është vënë pas 19-vjeçarit, në Spanjë shkruajnë që edhe Barcelona po e përcjellë situatën e futbollistit të Genk, shkruan KosovaPress.

Fichajes raporton që katalanasit e pëlqejnë faktin që Zhegrova mund të luajë në të dy krahët e sulmit gjë të cilën e ka dëshmuar mirë në paraqitjet me Kosovën në Ligën e Kombeve.

-Advertisement-

Ende nuk ka asnjë ofertë nga Barça, por nëse Zhegrova vazhdon të tregojë paraqitje të mira në pjesën e dytë të stinorit, kampionët e Spanjës janë të gatshëm për të ta transferuar në Camp Nou.

Në 27 ndeshje zyrtare me Genkun, 19-vjeçari ka realizuar pesë gola dhe ka dhuruar tre asistime.

Subscribe në YouTube: GAZETA INFOKUSI