Lajme

Edhe 720 kg mish të prishur në Prizren

Autori: Gazeta inFokus 16:08 | 26 March 2018

Inspektoriati i komunës së Prizrenit ka konfiskuar 720 kilogramë mish të skaduar, i cili ishte importuar nga Holanda.

Këto i ka bërë të ditura, Kryetari i kësaj komune Mytaher Haskuka, i cili ka thënë se gjatë aksionit javor, inspektoriati ka hasur në mish me afat të skaduar, shkruan Infokusi.

Haskuka njoftoi se mishi pa afat është konfiskuar në Qendrën Tregtare “Elkos” – njëra nga qendrat më të mëdha tregtare në Prizren.

-Advertisement-

“Inspektorët komunal fillimisht kanë vërejtur se mishi ka pësuar ndryshime organoleptike (ngjyra, shija dhe era e mishit janë tjetërsuar). Pas kontrollit të dokumentacionit është konstatuar se këtij mishi të importuar nga Holanda i kishte kaluar edhe afati”, ka bërë të ditur ai, përmes rrjetit social Facebook, përcjell

Po ashtu Haskuka ka thënë se nuk do të ketë tolerime ndaj asnjë kompanie.

“Mishi në sasi prej 720 kg. është konfiskuar menjëherë, ndërsa me ndihmën e kompanisë rajonale “Ekoregjioni”, gjatë ditës së sotme, është asgjësuar me mjete përkatëse kimike. Shëndeti i qytetarëve është në rend të parë. Nuk do të ketë tolerime ndaj asnjë kompanie që konsumatorëve u shit ushqim të prishur”, përfundoi Haskuka.

Rasti në fjalë është përcjellur në prokurori. /INFOKUSI.COM/

Subscribe në YouTube: GAZETA INFOKUSI
Etiketa:
Vrasja e Lulzim Fejzullahut, vjen reagimi i parë nga ministrja Haxhiu
-Advertisement-

Të tjera

Fokusi

lajme