Lajme

E zë dollapi i shkollës, vdes 9 vjeçari shqiptar në Angli

Autori: Gazeta inFokus 17:16 | 25 May 2019

Një nëntë vjeçar shqiptar në Angli, ka vdekur pasi iu rrëzua dollapi mbi të në një shkollë në Essex.

Rasti ka ndodhur të enjten në një klub noti, në shkollën “Great Baddow në Chelmsford.

BBC, ka shkruar se pas incidentit Leo Latifi ishte dërguar menjëherë në spital, por nuk ka mundur të mbijetojë.

-Advertisement-

Ndërkaq, Policia tha se Leo ishte me anëtarët e familjes kur u rrëzua nga një dollap i cili më pas i ra sipër.

Mësuesja në St Michael, Maria Rumsey, tha se stafi, prindërit, guvernatorët dhe nxënësit ishin “të tronditur dhe tepër të pikëlluar” nga vdekja e nëntë vjeçarit.

“Leo do të na mungojë shumë të gjithëve. Ishte një shkëndijë në shkollën tonë. Fytyra e tij e ndriçonte klasën dhe sytë e tij të kaltër na bënin të gjithëve të buzëqeshnim. Ai ishte një shkencëtar në ardhje, i cili vetëm të mërkurën ishte në elementin e tij duke gjuajtur për insekte në oborrin e shkollës”, tha ndër të tjera mësuesja.

Lidhur me vdekje e nëntë vjeçarit shqiptar, organet kompetente të sigurisë në Essex, bashkë me Policinë e Essexit po e hetojnë rastin.

Subscribe në YouTube: GAZETA INFOKUSI
BKT Kosova dhe Komiteti Olimpik i Kosovës nënshkruajnë vazhdimin e marrëveshjes së sponsorizimit për periudhë 10-vjeçare

Të tjera