Lifestyle

E thotë horoskopi: Shenjat që nuk mund të jenë miq

Autori: Gazeta inFokus 22:37 | 25 August 2023

Astrologjia u jep përgjigje shumë pyetjeve në lidhje me marrëdhëniet ndërpersonale, ndaj ekziston edhe një listë e shenjave të zodiakut që vështirë se mund të krijojnë dhe ruajnë miqësinë.

Dashi dhe Gaforrja

Dashi dhe Gaforrja lidhen gjatë bisedave të përbashkëta, por ata nuk do të jenë në gjendje ta durojnë tjetrin kur gjërat fillojnë të shkojnë drejt greminës. Dashi është impulsiv dhe i gatshëm për të luftuar ashpër, nëse është e nevojshme. Gaforret shmangin pamaturinë dhe janë jashtëzakonisht të vëmendshëm ndaj ndjenjave. Ata mund të ndihen të lënduar nga sjellja e Dashit që pëlqen të kontrollojë gjithçka.

-Advertisement-

Demi dhe Bricjapi

Këto dy shenja vështirë se mund të jenë fleksibël me njëra-tjetrën. Është e vështirë të zgjidhen zënkat mes tyre, sepse janë shumë të ngjashëm. Ata janë kokëfortë dhe u përmbahen rregullave të tyre. Nuk do të shkojnë për kërkuar falje dhe më lehtë preferojnë që të përfundojë miqësia sesa të bëjnë kompromis.

Peshorja dhe Gaforrja

Peshoret kanë prioritet ekuilibrin në të gjitha aspektet e jetës, ndaj mund të jenë paksa të pandjeshëm në krahasim me Gaforret. Gaforret ndonjëherë mund të bëhen tepër emocionalë dhe kjo mund ta irritojë Peshoren deri në atë pikë ku zënka është e vetmja mundësi e mbetur. Këto shenja nuk mund ta zgjidhin kurrë një konflikt pa grindjeje.

Luani dhe Luani

Luanët pëlqejnë të jenë në qendër të vëmendjes, por nëse dy persona të të njëjtës shenjë përplasen, mund të bëhet goxha e shëmtuar. Mes dy Luanëve do të ketë një luftë për pushtet, pasi Luanët njihen si konkurrues. Ata urrejnë kur u hiqet vëmendja. Është e vështirë të mbash një marrëdhënie të përzemërt kur të dy ndonjëherë janë mjaft agresivë.

Shigjetari dhe Virgjëresha

Virgjëreshat i duan rregullat dhe Shigjetari pëlqen t’i thyejë ato. Shigjetarët ndihen të gjykuar dhe të kritikuar për mënyrën se si jetojnë – pa kujdes apo stres. Shigjetarët do të ndihen të mbyllur nëse detyrohen të vazhdojnë të shoqërohen me Virgjëreshat. Nëse mendojnë se është e drejtë, Shigjetarët do të largohen nga miqësia sa më shpejt që të kenë mundësi.

Subscribe në YouTube: GAZETA INFOKUSI