Lifestyle

E thonë ekspertët/ Seksin më të mirë e bëjnë burrat me hapa të mëdhenj!

Autori: Gazeta inFokus 14:37 | 12 May 2021

Thonë që çelësi për të arritur një qëllim është që ndërmerrni hapa të vegjël, për të arritur atje. Por kjo këshillë nuk vlen për jetën seksuale! Një studim i ri japonez tregon se burrat me hapa të vegjël kanë 40% më shumë të ngjarë të vuajnë nga impotenca, sesa grupi tjetër.

E gjitha, thonë ekspertët, lidhet me forcën e muskujve të legenit. Ata që bëjnë hapa më të mëdhenj në ecje, kanë muskuj më të fortë, që përmirësojnë aftësinë seksuale.

Studiuesit në Universitetin Hirosaki regjistruan ecjen e 324 burrave duke matur gjatësinë e hapave të pjesëmarrësve, si dhe lartësinë e këmbëve gjatë ecjes. Burrat me hapa të vegjël kishin një rezultat mesatar prej 153 cm, ndërsa hapat e mëdhenj u konsideruan ato prej 166 cm.

-Advertisement-

Pastaj, burrat u vlerësuan duke përdorur testin 5-pikësh të Indeksit Ndërkombëtar të Funksionit Erektil. Pavarësisht nga faktorë të tjerë, rezultatet tregojnë një lidhje midis hapave më të vegjël dhe problemit të ereksionit te burrat.

“Forca e muskujve dhe fleksibiliteti i legenit dhe këmbëve janë faktorët kryesorë për problemet me ereksionin”, thotë Dr Shingo Hatakeyama, autori kryesor i studimit.

Nëse po kërkoni një motiv të ri për të dale për të bërë vrap, le të jetë ky hulumtim!

Subscribe në YouTube: GAZETA INFOKUSI
UNI-Universum International College rankohet me sukses në Times Higher Education Impact Rankings 2024

Të tjera