Lajme

E rrah gruan për një mesazh në telefon, ja si ia kthen ajo

Autori: Gazeta inFokus 14:33 | 31 December 2018

Prokuroria Themelore në Gjilan, ka ngritur aktakuzë, kundër të pandehurve B.A. dhe A.A., për shkak të dhunës në familje.

I pandehuri B.A., më 19 dhjetor 2018, në Budrikë të Vitisë, ka ushtruar dhunë fizike ndaj bashkëshortes së tij A.A., ku pas një mosmarrëveshje verbale lidhur me një mesazh, të cilin i pandehuri e kishte lexuar në telefonin e saj, e godet me telefon, e kap për flokë dhe me grushte e godet në pjesë të ndryshme të trupit, duke i shkaktuar lëndime të lehta trupore.

Ndërsa, e pandehura A.A., në vendin dhe kohën e njëjtë, ka ushtruar dhunë në familje ndaj bashkëshortit të saj B.A., në atë mënyrë që pasi kupton se bashkëshorti i saj ia kishte lexuar një mesazh në telefon, e pandehura në shenjë revolte me një dru e godet atë në krahun dhe këmbën e majtë, duke i shkaktuar lëndime të lehta trupore.

-Advertisement-

Prokuroria me rastin e ngritjes së aktakuzës, ka kërkuar nga gjykata që të pandehurit t’i shpallë fajtorë dhe t’iu shqiptojë dënimin e merituar sipas Ligjit.

Subscribe në YouTube: GAZETA INFOKUSI
Etiketa:
BKT Kosova nderohet me tre Çmime prestigjioze për qëndrueshmëri

Të tjera

Fokusi

lajme