Lajme

E rëndë: 22-vjeçari humb jetën në një vetaksident në Dragash

Autori: Gazeta inFokus 11:30 | 27 September 2023

Një 22-vjeçar ka humbur jetën si pasojë e një vetaksidenti në trafik në rrugën Dragash-Radish, mëngjesin e së mërkurës.

Lajmi është konfirmuar nga zëdhënësi i Policisë për rajonin e Prizrenit, Vesel Gashi. Aksidenti dyshohet të ketë ndodhur si pasojë e mos-respektimit të rregullave në trafik.

“Sot rreth orës 08:00 në rrugën Dragash – Radish pati një vetaksident të trafikut dhe si pasojë vozitësi ka humbur jetën. Deri te aksidenti dyshohet të ketë ardhur si pasojë e mosrespektimit të rregullave në trafik, duke përfshirë tejkalimin e shpejtësisë, mospërdorimin e rripit të sigurisë, si dhe dyshohet edhe për përdorim të celularit. Viktima është mashkull i moshës 22-vjeçare. Automjeti ka qenë me targa vendore dhe viktima ka humbur kontrollin mbi automjet. Si pasojë e plagëve, mjeku në Qendrën e Mjekësisë Familjare në Dragash ka konstatuar vdekjen. Me rastin po merret Njësia e Trafikut”, ka bërë të ditur Gashi.

-Advertisement-

Policia e Kosovës në vazhdimësi po apelon në vazhdimësi për kujdes të shtuar në trafik, nëpërmjet fushatave të ndryshme senzibilizuese dhe veprimeve operacionale.

Subscribe në YouTube: GAZETA INFOKUSI
Etiketa:
BKT Kosova vlerësohet për herë të tretë "Banka e Vitit 2023 në Kosovë" nga The Banker
-Advertisement-

Të tjera

Fokusi

lajme