Lajme

E pranon Nikoliç: Nëse do njihnim Kosovën do të anëtarësoheshim shumë shpejt në BE

Autori: Gazeta inFokus 08:27 | 25 May 2017

Presidenti i Serbisë, Tomislav Nikoliç, vetëm një javë para se të largohet nga posti që mban dhe t’ia dorëzojë atë Aleksandër Vuçiç, ka deklaruar se nëse Serbia do të dëshironte vetëm anëtarësimin në Bashkimin Evropian, këtë gjë do ta arrinte më shpejtë nëse do të njihte Kosovën si shtet.

“Sikur të dëshironim vetëm anëtarësimin në BE, ne këtë do ta arrinim shumë shpejt po ta kishim pranuar pavarësinë e Kosovës”, ka deklaruar Tomislav Nikoliç.

Deklarata e Nikoliç është bërë gjatë një interviste në televizionin shtetëror të Bjellorusisë.

-Advertisement-

Ai gjithashtu ka shtuar se negociatat me Kosovën janë vendosur që të kryhen në nivelet më të larta politike, për të penguar konflikte si dhe të arrihet një zgjidhje e përbashkët.

Gjithashtu Nikolliç ka shtuar se gjatë mandatit të tij ka arritur marrëveshje për partneritet strategjik me Rusinë, Kinën si dhe ka hyrë në negociata serioze me BE-në.

Subscribe në YouTube: GAZETA INFOKUSI
Etiketa:

Të tjera

Fokusi

lajme