“E pranojmë propozimin europian”, a ia tha Kurti Lajçakut atë që ia kërkuan amerikanët?
Autori: Gazeta inFokus 18:51 | 06 February 2023
Kryeministri Albin Kurti është kujdesur sot të çojë një mesazh në Twitter pas takimit me emisarin e BE’së Miroslav Lajcak. “E pranojmë propozimin europian për normalizmin e marrëdhënieve mes Kosovës e Serbisë” shkroi Kurti duke e vazhduar fjalinë “dhe e konsiderojmë bazë të mirë për diskutim të mëtejmë dhe si një platformë solide për të ecur përpara”.
Nuk dihet nëse diplomatët perëndimorë të angazhuar për marrëveshje mes Kosovës dhe Serbisë do ta trajtojnë këtë si pranim të Kurtit dhe ta cilësojnë si një sjellje konstruktive të kryeministrit Kosovar ndaj propozimit të tyre edhe pse kryeministri e theksoi fort “pranimin” e planit.
Në fakt, Perëndimi dhe emisarët e tij nuk janë shprehur ende as rreth 6 kushteve të Kurtit për Asociacionin të cilin edhe ata e kanë kusht për të ecur tutje.
Emisari Miroslav Lajcak pas takimit që pati me kryeministrin Kurti dhe zëvendësin e tij të hënën në Prishtinë nuk tha se Kurti e ka pranuar planin, ndërkohë që sa i përket 6 kushteve theksoi se BE ka qëndrim por s’e bëri publik.
As ambasadori amerikan Jeff Hovenier nuk ka folur rreth lëvizjes së Kurtit që e bëri javën që shkoi në parlamentin e Kosovës duke i shpallur 6 kushte për pranimin e Asociacionit e as për formulimin “e pranojmë planin”.
Të hënën, në fakt kishte aktivitet të shtuar diplomatik. Kurti takoi diplomatët e akredituar në Kosovës të cilët i njoftoi për kushtet e tij. Aty nuk iu referua Asociacionit me emër.
“Kryeministri Kurti i njoftoi ata me qëndrimet e Qeverisë së Republikës së Kosovës përfshirë këtu edhe gjashtë pikat e prezantuara në Seancën e Kuvendit javën e kaluar në lidhje me marrëveshjen e Brukselit të vitit 2013” njoftoi zyra e Kryeministrit.
Një prej kushteve të Kurtit kërkon që Asociacioni i Komunave me Shumicë Serbe ta ndryshojë emërtimin.
Pala serbe i ka thënë po në parim planit europian, por Vuçiq ka thënë se së pari duhet krijohet Asociacioni.
Por, Kurti nuk pajtohet me këtë. Ai thotë se Asociacioni mund të hyjë në fuqi vetëm pas njohjes reciproke mes dy vendeve. Sido që të jetë, plani europian ose franko gjerman siç u njoh fillimisht nuk e përmban njohjen.
Shetet e Bashkuara të Amerikë i kishin kërkuar ta Kurtit ta pranojë planin gjatë një telefonate me 24 janar.
Këshilltari special Derek Chollet i sapokthyer nga udhëtimi në Ballkan i kishte kërkuar Kurtit që Kosova ta pranojë propozimin.
“Komunikova me kryeminsitrin Albin Kurti për të disktuar rreth propozimit të BE-së për normalizimin e marrëdhënieve me Serbinë si dhe që ta nxis Kosovë për ta pranuar atë”, kishte shkruar Chollet në Twitter.
Por, Kurti nuk kishte thënë diçka të re. Asokohe u raportua se Kryeministri ka kërkuar garanci për qëndrimin e pesë vendeve të BE’së për njohjen e Kosovës, për çka emisari Miroslav Lajcak menjëherë kishte pasur takime me përfaqësues të këtyre shteteve.
Por, edhe pse të hënën u kujdes që Kurti ta potencojë “pranimin” e planit europian duke ia thënë atë përfaqësuesit të BE’së, mbetet të shihet si do ta vlerësojnë atë emisarët.
Presidenti i Serbisë Aleksandar Vuçiq me pranimin në parim të planit kishte arritur të marrë lëvdata nga ndërmjetësit duke i vlerësuar rolin “konstruktiv”.
Të tjera
-
Memli Krasniqi kritikon Kurtin: Po e instrumentalizon policinë në veri për qëllime elektorale
Kryetari i Partisë Demokratike të Kosovës (PDK), Memli Krasniqi, ka akuzuar k...
-
Kontrabanda me Iphone 16 përmes aeroportit, bie në duar të Doganës së Kosovës
Në orët e vona të së premtes, në Aeroportin Ndërkombëtar “Adem Jashari”, ofic...
-
Deputeti i Vetëvendosjes: Aktakuza nuk e përgatiti vet Blerim Isufaj
Disa ditë pasi Kryeparlamentari Glauk Konjufca lavdëroi Prokurorinë Speciale ...
-
Frika nga spiunazhi rus, Ukraina ndalon Telegramin në pajisjet qeveritare dhe ushtarake
Ukraina ka ndaluar përdorimin e aplikacionit të mesazheve Telegram në pajisje...
-
Vetëm të premten Policia e Kosovës shqiptoi 2372 gjoba trafiku
Policia e Kosovës përgjatë 24 orëve të fundit ka shqiptuar gjithsej 2 mijë e ...
-
Policia arreston dy persona nën dyshimet se shisnin barna kontrabandë
Policia e Kosovës ka arrestuar dy persona, nën dyshimin se kanë shitur barna ...
-
Turqia i dënon me 250 vjet burg 37 të dyshuar si njerëz të Mossadit, në fillim të shtatorit ishte arrestuar edhe shtetasi kosovar
Një Gjykatë në Turqi i ka dënuar me gati 250 vjet burgim 37 persona, të akuzu...
-
Time Kadriaj: Riintegrimi i serbëve në institucionet në veri të bëhet vetëm në përputhje me ligjin
Nënkryetarja e Aleancës për Ardhmërinë e Kosovës(AAK), Time Kadrijaj, thotë s...
-
“Qeveria nuk ka bërë hapa konkret për parashtrimin e padisë kundër Serbisë për gjenocid”
Qeveria e Kosovës nuk ka bërë ende asnjë hap konkret për ngritjen e padisë pë...
-
Memli Krasniqi i bindur: Bedri Hamza do të jetë kryeministër i ri, nuk kemi vija të kuqe për koalicione
Kryetari i Partisë Demokratike të Kosovës (PDK), Memli Krasniqi, ka thënë se ...
-
Arrestohet një person në Prizren, ngạcmoi një të mitur
Një burrë në Prizren është arrestuar, i cili dyshohet se ka ngacmuar një të m...
-
26 vjetori i vrasjes së Ahmet Krasniqit, Abdixhiku: Vendosi bazat e ushtrisë së Kosovës
Kryetari i Lidhjes Demokratike të Kosovës, Lumir Abdixhiku, ka përkujtuar Kol...