Lajme

E pazakontë në Kiev! Banorët hapin digat dhe përmbysin fshatin për të ndaluar trupat ruse

Autori: Gazeta inFokus 09:59 | 28 April 2022

Fshatarët në Demydiv, në veri të Kievit, praktikuan një taktikë të pazakontë për të parandaluar një sulm me tank rus në kryeqytet.

Sipas një raporti në The New York Times, banorët hapën një digë aty pranë dhe dërguan qëllimisht ujë në fshatin e tyre, duke e lënë atë të përmbytur rëndë.

Lëvizja krijoi një moçal që e bëri të pamundur kalimin e tankeve ruse dhe bleu kohë të çmuar për ushtrinë ukrainase për të ndërtuar mbrojtjen e saj në Kiev.

Tashmë banorët po përballen me ujërat e përmbytjeve në shtëpitë e tyre, por nuk duket se janë penduar.

Pensionistja Antonina Kostuchenko tha për gazetën: “Të gjithë e kuptojnë dhe askush nuk pendohet për asnjë moment. Ne shpëtuam Kievin!”