Lajme

E padëgjuar më parë/ Pronari hedh në erë me 30 kg dinamit makinën Tesla

Autori: Gazeta inFokus 11:11 | 24 December 2021

Një pronar i pakënaqur i një makine Tesla, në Finlandë hodhi në erë makinën e tij me 30 kilogramë dinamit. Kjo për shkak të shpenzimeve shumë të mëdha që ai bënte për ta mirëmbajtur. Sipas gazetës britanike “Daily Mail”, Tuomas Katainen ka blerë një Tesla Model S në vitin 2013.

Për tetë vitet e para ai ndihej krenar që e drejtonte atë. Por më pas ai shpesh shpenzonte për të blerë pjesë këmbimi, kostoja e të cilave ishte e madhe, thotë ai.

Fillimisht ai pati probleme me softuerin e automjeteve elektrike që prekën panelin e instrumenteve. Më pas ka pasur një mosfunksionim në sistemin “Autopilot”. Dhe kur iu desh të kërkonte një rimorkio për ta çuar në qendrën e shërbimit të Tesla-s aty pranë, ai vendosi të protestonte për koston e tepruar të pjesëve të këmbimit.

-Advertisement-

Pasi makina ishte lënë për servis, një muaj më vonë ai mori një telefonatë nga inxhinieri i kompanisë duke e informuar se bateria duhej ndërruar pasi problemi nuk mund të zgjidhej dhe kostoja e saj arrinte në 20,000 euro.

I tërbuar, finlandezi vendosi të hidhte në erë Teslën duke përdorur 30 kilogramë dinamit. Para se ta hidhte në erë, pronari vendosi në makinë një bedel të CEO-s së Tesla-s, Elon Musk.

Shoferi i tij finlandez, si dhe disa nga të njohurit e tij, panë makinën duke u djegur në një gurore të vjetër në fshatin Jaala, në Finlandën jugore.

” Asgjë nuk ka mbetur nga shpërthimi ,” tha ai. Por ai nuk ngurroi të shprehte gëzimin që u bë personi i parë në botë që hodhi në erë një Tesla.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy