Rozë

E konfirmon TV Klan, Marina Vjollca nga shtatori me emision të sajin në këtë ekran

Autori: Gazeta inFokus 15:10 | 21 July 2017

Familjes së madhe të Tv Klan i shtohet një tjetër emër i mirënjohur. Ajo është prezantuesja simpatike Marina Vjollca, e cila do të jetë pjesë e televizionit më të madh kombëtar në Shqipëri sezonin e ardhshëm, që nis në Shtator.

Vjollca vjen në ekranin e Tv Klan me një program të sajin, detajet rreth të cilit pritet që të zbulohen nga drejtuesit e televizionit, shkruan sajti i televizionit.

Marina Vjollca u bashkohet kështu emrave më të njohur të Tv Klan, si Blendi Fevziu, Ardit Gjebrea, Arian Çani, Rudina Magjistari, Saimir Kodra dhe Gentian Zenelaj, Alketa Vejsiu e Aldon Lipe.

-Advertisement-

Sezonin e kaluar, Tv Klan arriti të bënte pjesë të tijin aktorin e humorit dhe prezantuesin e mirënjohur Ermal Mamaqi, duke sjellë për publikun një prej emisioneve më të suksesshëm në vend, “Xing me Ermalin”. /tvklan/.

Subscribe në YouTube: GAZETA INFOKUSI