Zëdhënësi i Policisë së Kosovës për rajonin e Prishtinës, Agron Borovcin  ka konfirmuar për Gazetën Fokus se deputeti, Islam Pacolli ka sulmuar një oficer të sigurisë në Ministrinë e Drejtësisë.

“Rreth orës 15:00 është raportuar se oficeri i sigurisë në Ministrinë e Drejtësisë deri sa ka qene ne kryerjen e detyrës  është sulmuar nga një deputet. Deri te sulmi dyshohet te ketë  ardhur për shkak se deputeti ka refuzuar te zbatoj urdhrat e ligjshëm te dhëne nga oficeri policor”, ka thënë ai.

Borovci ka thënë gjithashtu se për këtë rast është njoftuar edhe prokurori i shtetit

-Advertisement-

“Policia ka filluar një hetim për sqarimin e  rrethanave te rastit, ka njoftuar edhe prokurorin e shtetit i cili ka rekomanduar intervistimin e palëve te përfshira ne rast. Oficeri policor ka deponuar deklarimin e tij përderisa policia është ne përpjekje për te kontaktuar edhe deputetin e involvuar ne rast.”

Lexo edhe: Arrestohet deputeti Islam Pacolli

Deputeti Islam Pacolli, njëherësh vëllai i zëvendëskryeministrit Behgjet Pacolli gjatë ditës ka pasur një incident me një polic në parkingun e Ministrisë së Drejtësisë.

Gazeta Fokus ka raportuar se incidenti ka ndodhur për shkak se Pacolli ka insistuar të futet me makinë private në parkingun e Ministrisë së Drejtësisë.

Oficeri i sigurisë në portë e ka ndaluar dhe i ka shpjeguar se nuk lejohen veturat private. Në bisedë e sipër derisa polici i ka treguar se nuk ka shanse të futet me veturë private, Pacolli e ka sulmuar me grushta dhe është larguar nga vendi i ngjarjes.

Lexo edhe: Vëllai i zëvendëskryeministrit grushton policin që nuk e la të futet në parking të Ministrisë me veturë private

Sipas të njëjtit burim, polici i sulmuar ka marrë tretman mjekësor pasi ka pësuar lëndime të lehta.

“Për këtë incident është lëshuar një ndalesë për Islam Pacollin. Nuk ka flet arrest por vetëm ndalesë për ta intervistuar për rastin. Para pak qastesh ai është paraqitur në polici dhe është duke u intervistuar”, ka thënë ky burim i policisë për Gazetën Fokus./GazetaFokus.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-